ശൗചാലയമില്ല,പ്രാഥമികാവശ്യങ്ങള്‍ നിര്‍വ്വഹിക്കാന്‍ വീട്ടില്‍ നിന്നു ദൂരെ പോയ പെണ്‍കുട്ടി ട്രെയിന്‍ തട്ടി മരിച്ചു,മരണം ബലാല്‍സംഘ ശ്രമത്തില്‍ നിന്നും രക്ഷപെടാന്‍ ട്രയിനുമുന്നിലൂടെ ഓടിയപ്പോള്‍

ഒരു സംഘം യുവാക്കള്‍ ചേര്‍ന്ന് പീഡിപ്പിക്കാന്‍ ശ്രമിക്കുന്നതിനിടയില്‍ രക്ഷപെട്ട് ട്രെയിനു മുന്നിലൂടെ ഓടിയ യുവതി ട്രെയിന്‍ തട്ടി മരിച്ചു.18കാരിയായ പെണ്‍കുട്ടിയാണ് ഈദാരുണ സഭവത്തിനിരയായിത്. മധ്യപ്രദേശിലെ ദാത്തിയ ജില്ലയിലാണ് സംഭവം.തിങ്കളാഴ്ച വെളുപ്പിനെ റെയില്‍വേ ട്രാക്കിനു സമീപത്തെത്തിയ യുവതിയെ രണ്ടു പേര്‍ ചേര്‍ന്നാണ് പീഡിപ്പിക്കാന്‍ ശ്രമിച്ചെന്നാണ് അവരുടെ പിതാവ് പൊലീസില്‍ പരാതി നല്‍കിയത്. പക്ഷെ യുവതിയുടെ ശവസംസ്‌ക്കാര ചടങ്ങുകള്‍ക്കു ശേഷമാണ് പൊലീസിനു പരാതി ലഭിച്ചത്.എന്നാല്‍ യുവതിയുടെ പിതാവ് പരസ്പര വിരുദ്ധമായ പരാമര്‍ശങ്ങളാണ് സംഭവുമായി ബന്ധപ്പെട്ട് നടത്തുന്നത്.എന്നാല്‍ യുവതിയെ ട്രെയിനിനു മുന്നിലേക്ക് തള്ളിയിടുകയായിരുന്നെന്നാണ് ഇവരുടെ മറ്റൊരു ബന്ധുവിന്റെ മൊഴി.

നരേന്ദ്ര മോദി സര്‍ക്കാര്‍ കൊട്ടിഘോഷിച്ച് നടപ്പിലാക്കിയ സ്വച്ച് ഭാരത് പദ്ധതിയുണ്ടായിട്ടും ഇന്‍ഡ്യയിലെ പലഗ്രാമങ്ങളിലും വീടുകളില്‍ ശൗചാലയമില്ല.പെണ്‍കുട്ടി മരണമടഞ്ഞ ഈ ഗ്രാമത്തിലും പകുതിയിലേറെ വീടുകളില്‍ ഈ സൗകര്യം ലഭ്യമായിട്ടില്ല.അതുകൊണ്ടു തന്നെ പ്രാഥമീകാവശ്യങ്ങള്‍ക്കായി പുറത്തു പോകുന്ന പെണ്‍കുട്ടികള്‍ക്ക് നേരേ അതിക്രമങ്ങള്‍ രേഖപ്പെടുത്തുന്ന സംവങ്ങള്‍ ഇവിടെ സാധാരണമാണ്.