പള്‍സര്‍ സുനി എവിടെ?ഇയാളുടെ സംരക്ഷകരാര്?

വെള്ളിയാഴ്ച രാത്രിയില്‍ നടിയുടെ നേരേ നടന്ന അതിക്രമത്തിനു ശേഷം മുങ്ങിയ പള്‍സര്‍ സുനി പൊലീസിന്റെയും നാട്ടുകാരുടെയും കണ്ണു വെട്ടിച്ച് എവിടെയാണ് കഴിയുന്നത്.നടിയെ വാഹനത്തില്‍ വെച്ചധിക്ഷേപിക്കാന്‍ ശ്രമിച്ചവരുടെ നേതാവായിരുന്നു സുനി.അവരെ ഏര്‍പ്പാടാക്കിയതും സുനി തന്നെയാണെന്നാണ് പിടിയിലായവരുടെ മൊഴി.അന്നേ ദിവസം രാത്രി നടിയ്ക്കു നേരേ അപകീര്‍ത്തിപരമായ രീതിയില്‍ പെരുമാറിയ സുനിയും കൂട്ടാളികളും സംഭവത്തിനു ശേഷം നടിയെയും അവര്‍ക്കൊപ്പമുണ്ടായിരുന്ന ഡ്രൈവര്‍ മാര്‍ട്ടിനെയും കാക്കനാട്ട് വാഴക്കാലായിലുള്ള സംവിധായകന്റെ വീടിനു സമീപമെത്തിച്ച ശേഷം മറ്റൊരു വാഹനത്തില്‍ രക്ഷപെട്ടു.നടിയുടെ പരാതിയെ തുടര്‍ന്ന് അന്വേഷണം ആരംഭിച്ച പൊലീസ് ആദ്യം ഡ്രൈവര്‍ മാര്‍ട്ടിനും കസ്റ്റഡിയിലെടുത്തു.അയാളെ ചോദ്യം ചെയ്ത പശ്ചാത്തലത്തിലും നടിയുടെ മൊഴിയുടെഅടിസ്ഥാനത്തിലും സംഭവത്തിന്റെ പിന്നിലെ സൂത്രധാരന്‍ പള്‍സര്‍സുനിയാണെന്ന നിഗമനത്തിലെത്തി.എന്നാല്‍ അന്നു രാത്രി തന്നെ പൊലീസിന്റെ കണ്ണു വെട്ടിച്ച് സുനിയും കൂട്ടരും രക്ഷപെട്ടു. ഹൈക്കോടതിയില്‍ നേരിട്ടെത്തി മുന്‍കൂര്‍ ജാമ്യാപേക്ഷ നല്‍കിയ സമയത്തും സുനിയെ പിടികൂടാന്‍ പൊലീസിനു കഴിഞ്ഞില്ല.

പിന്നീട് അയാള്‍ ഉപയോഗിച്ചിരുന്ന വാഹനം ഉപേക്ഷിച്ച ശേഷം ഓട്ടോറിക്ഷയില്‍ ആലപ്പുഴയിലെ സുഹത്തിന്റെ വീട്ടിലേക്ക് രക്ഷപെട്ടന്നാണ്‌പൊലീസ് നിഗമനം.പക്ഷെ അവിടെ സുഹൃത്തിന്റെ ഭാര്യ ഇയാളെ തിരിച്ചറിഞ്ഞേക്കുമെന്ന ഭയത്തില്‍ അവിടെ നിന്നും മുങ്ങി.എന്തായാലും ടിവിയിലൂടെയും പത്രങ്ങളിലൂടെയും ആളുകള്‍ ഫോട്ടോ കണ്ടതിനാല്‍ തിരിച്ചറിയപ്പെടാനുള്ള സാധ്യത കണക്കിലെടുത്ത് ആലപ്പുഴയില്‍ തന്നെ എവിടെയെങ്കിലും തങ്ങാനുള്ള സാധ്യതയാണ് പൊലീസ് കാണുന്നത്. സംഭവം നടന്ന് മൂന്നു ദിവസം പിന്നിടുമ്പോഴും സുനിയെ പിടികൂടാന്‍ കഴിയാത്തത് പൊലീസിന് വലിയ തലവേദനയുണ്ടാക്കുന്നുണ്ച്.സുനിയുടെ സംരക്ഷകര്‍ ആരാണെന്ന ചോദ്യവും പൊലീസിനെ കുഴക്കുന്നു.സുനിയോടൊപ്പം കുറ്റകൃത്യത്തില്‍ പങ്കാളികളെന്ന് കരുതപ്പെടുന്ന വിജീഷ്,മണികണ്ഠന്‍ എന്നിവരെയും ഇനിയും പിടികൂടിയിട്ടില്ല.ഇവരും ഹൈക്കോടതയില്‍ മുന്‍കൂര്‍ ജാമ്യാപേക്ഷ സമര്‍പ്പിച്ചിട്ടുണ്ട്.