നടിയെ ആക്രമിച്ച കേസില്‍ സിനിമാ നിര്‍മ്മാണ കമ്പിനിയുമായി ബന്ധമുള്ള ആള്‍ അറസ്റ്റില്‍

നടിയെ നടു റോഡില്‍ കാറില്‍ വെച്ച് അപമാനിക്കാനും തട്ടിക്കൊണ്ടു പോകാന്‍ ശ്രമം നടത്തിയതായെന്ന പരാതിയില്‍ ഒരാള്‍ പിടിയില്‍.മറ്റുള്ളവര്‍ക്കു വേണ്ടി തിരച്ചില്‍ ഊര്‍ജ്ജിതമാക്കി പൊലീസ്.സിനിമാ നിര്‍മ്മാണ കമ്പിനിയുമായി ബന്ധമുള്ള ആളാണ് പിടിയിലായതെന്നു കരുതുന്നു.

ഷൂട്ടിംഗ് കഴിഞ്ഞ് നടി മടങ്ങുന്നതിനിടയില്‍ നടുറോഡില്‍ ഡ്രൈവറെ ഭീഷണിപ്പെടുത്തി കാറില്‍ കയറുകയും ശാരീരികമായി ഉപദ്രവിക്കാന്‍ ശ്രമിക്കുകയും ചെയ്തതായാണ് പരാതി.അത്താണിയില്‍ നിന്ന് കൊച്ചിയിലേക്കുള്ള യാത്രാമധ്യേയാണ് സംഭവം ഷൂട്ടിംഗ് കഴിഞ്ഞ് നടി കൊച്ചിയിലേ വീട്ടിലേക്ക് മടങ്ങുന്നതിനിടയില്‍ തൊട്ടു പിന്നില്‍ വന്ന കാര്‍ നടിയുടെ കാറില്‍ തട്ടുകയും അതിനേ തുടര്‍ന്നുണ്ടായ പ്രശ്‌നങ്ങളുമാണ് ഇതിനു പിന്നിലെന്നാണ് നടി പരാതിയില്‍ പറയുന്നത്.

അഞ്ചു പേരാണ് സംഭവത്തിനു പിന്നിലെന്നു കരുതുന്നു.ഇവര്‍ ഡ്രൈവറെ ഭീഷണിപ്പെടുത്തിയ ശേഷം കാറിലേക്ക് കയറുകയും നടിയെ അപമാനിക്കാന്‍ ശ്രമിക്കുയും ചെയ്‌തെന്നാണ് കേസ് .എന്നാല്‍ അവിടെ നിന്ന രക്ഷപെട്ട നടി വാഴക്കാലയില്‍ താമസിക്കുന്ന ഒരു സംവിധായകന്റെ വീട്ടിലെത്തി സഹായം അഭ്യര്‍ത്ഥിച്ചു.തുടര്‍ന്നാണ് പൊലീസില്‍ പരാതി നല്‍കിയത്. സംഭവുമായി ബന്ധപ്പെട്ട് നടിയുടെ ഡ്രൈവര്‍ മാര്‍ട്ടിനെ പൊലീസ് ചോദ്യം ചെയ്തു .ഇയാള്‍ തന്നെയാണ് നടിയെ സംവിധായകന്റെ വീട്ടിലെത്തിച്ചത്.