തെരുവു നായ ശല്യം വീണ്ടും,വീട്ടിലുറങ്ങിക്കിടന്ന പിഞ്ചു കുഞ്ഞിനെ തെരുവു നായകള്‍ ആക്രമിച്ചു

വീട്ടിലുറങ്ങിക്കടന്ന പിഞ്ചുകുഞ്ഞിന്റെ നേര്‍ക്ക് തെരുവുനായകളുടെ ആക്രമണം.ശരീരത്തില്‍ ഗുരുതര പരിക്കേറ്റ കുഞ്ഞിനെ കൊല്ലം ജില്ലാ ആശുപത്രിയില്‍ പ്രവേശിപ്പിച്ചു.കുഞ്ഞിന്റെ ശരീരത്തില്‍ ആഴത്തിലുള്ള 19 മുറികളുണ്ട്.പന്ത്രണ്ടോളം തെരുവുനായ്ക്കളാണ് കുഞ്ഞിനെ ആക്രമിച്ചത്. വെള്ളിയാഴ്ച വൈകീട്ട് കൊല്ലം ചവറയിലാണ് സംഭവം.ഉറങ്ങുകയായിരുന്ന കുഞ്ഞിനെ വീട്ടില്‍ കിടത്തി വീട്ടുകാര്‍ വെള്ളമെടുക്കാന്‍ പോയ സമയത്തായിരുന്നു ആക്രമണം.ഒന്നര വയസുള്ള കുഞ്ഞിനെ നായകള്‍ കടിച്ചു വലിച്ച് അടുത്തുള്ള പുരയിടം വരെ കൊണ്ടു പോയി.നിലവിളി കേട്ടെത്തിയ നാട്ടുകാര്‍ കുഞ്ഞിനെ ആദ്യം ചവറ സ്വകാര്യ ആശുപത്രിയിലും പിന്നീട് കൊല്ലം ജില്ലാ ആശുപത്രിയിലും പ്രവേശിപ്പിച്ചു.