എടപ്പാടി പളനിസാമി തമിഴ്‌നാട് മുഖ്യമന്ത്രി

അവസാനം ഗവര്‍ണര്‍ വിദ്യാസാര്‍ റാവു മൗനം ഭഞ്ജിച്ചു.രാഷ്ട്രീയ അനിശ്ചിതത്വങ്ങള്‍ക്കൊടുവില്‍ തമിഴ്‌നാട് മുഖ്യമന്ത്രിയായി എടപ്പാടി കെ പളനിസാമി ചുമതലേയല്‍ക്കും.ഗവര്‍ണര്‍ നിയമന ഉത്തരവിറക്കി.സത്യപ്രതിജ്ഞ ഇന്നു വൈകീട്ട്.ആരൊക്കെ മന്ത്രമാരാകും എന്ന കാര്യത്തിലും തീരുമാനമായിട്ടില്ല.പതിനഞ്ചു ദിവസത്തിനകം സഭയില്‍ ഭൂരിപക്ഷം തെളിയിക്കണമെന്നാണ് ഗവര്‍ണര്‍ ആവശ്യപ്പെട്ടിരിക്കുന്നത്. ഇപ്പോഴത്തെ അവസ്ഥയില്‍ ഭൂരിപക്ഷം എം എല്‍ എമാരുടെയും പിന്തുണ പളനിസാമിക്കാണ്. അനധികൃത സ്വത്തു സമ്പാദനക്കേസില്‍ ശശികല ജയിലിലേക്ക് പോയപ്പോള്‍ തമിഴ്‌നാട് മുഖ്യമന്ത്രിയായി ചുമലയേല്‍ക്കാന്‍ അനുമതി നല്‍കിയ എം എല്‍ എയാണ്എടപ്പാടി പളനിസാമി. ദിവസങ്ങള്‍ നീണ്ട നാടകങ്ങളൊക്കൊടുവിലാണ് എടപ്പാടി അസംബ്ലി നിയോജക മണ്ഡലത്തില്‍ നിന്നും എ ഐ ഡി എം കെ എം എല്‍ എ ആയ പളനിസാമിയെ മുഖ്യമന്ത്രിയായി ചുമതലയേല്‍ക്കാന്‍ ഗവര്‍ണര്‍ ക്ഷണിക്കുന്നത്.നാലു തവണ എടപ്പാടി നിയോജകമണ്ഡലത്തില്‍ നിന്നും ഇദ്ദേഹം എം എല്‍ എയായി.(1989,1991,2011,2016).എം ജ ആറിന്റെ മരണത്തോടെ പാര്‍ട്ടി രണ്ടായ കാലത്ത് ജാനകി രാമചന്ദ്രനൊപ്പം നിലയുറപ്പിക്കാതെ ജയലളിത പക്ഷത്തേക്ക് ചേക്കേറി.സേലം ജില്ലയിലെ എടപ്പാടി താലൂക്കിലെ നെടുംങ്കുലം സ്വദേശിയാണ് 62 കാരനായ പളനിസാമി. 2016 ല്‍ എ ഐ ഡി എം കെ അധികാരത്തില്‍ വന്നപ്പോള്‍ സേലം ജില്ലയിലെ 11 നിയോജക മണ്ഡലങ്ങളില്‍ 10 ഉം നേടുന്നതിന് അശ്രാന്തം പണിയെടുത്തയാളാണ് പളനിസാമി.അതുകൊണ്ടു തന്നെ ജയലളിത മന്ത്രിസഭയിലും പിന്നീട് പനീര്‍ശെല്‍വം മന്ത്രി സഭയിലും ഗതാഗത മന്ത്രിയായിരുന്നു. എന്നാല്‍ ജയലളിതയുടെ മരണശേഷം ശശികല ക്യാമ്പിലെത്തിയ എടപ്പാടി മുഖ്യമന്ത്രിയായിരുന്ന പനീര്‍ശെല്‍വത്തിനൊപ്പം നിന്നില്ല.അതുകൊണ്ടു തന്നെ ചിന്നമ്മ തന്റെ രാഷ്ട്രീയ വനവാസകാലത്ത് സംസ്ഥാനത്തിന്റെ അധികാരം കൈമാറിയത് .