വീട്ടിലുണ്ടാക്കിയ ഭക്ഷണം, വെസ്റ്റേൺ ശൈലിയിലുള്ള ബാത്റൂം, ടി വി, ഒരു സഹായി ചിന്നമ്മയുടെ ആവശ്യങ്ങള്‍ അതുക്കും മേലെ….പക്ഷെ….!

തടവറയിലാണെങ്കിലും സുഖസൗകര്യങ്ങള്‍ക്ക് ഒരു കുറവും ഉണ്ടാവാന്‍ പാടില്ലെന്നാണ് ശശികലയുടെ വാദം. അതിനായി അവര്‍ തന്റെ പ്രത്യേക ആവശ്യങ്ങള്‍ അക്കമിട്ട് പറഞ്ഞ് ഡിമാന്റ് ചെയ്തിട്ടുണ്ട്. ജയിലിൽ തനിക്ക് ആവശ്യമായ പ്രത്യേക സജ്ജീകരണങ്ങൾ വേണമെന്നു ശശികല അധികൃതരോട് ആവശ്യപ്പെട്ടു. ഇക്കാര്യങ്ങ‌ൾ വ്യക്തമാക്കി ചിന്നമ്മ ജയിൽ അധികൃതർക്ക് കത്ത് നൽകിയതായും റിപ്പോർ‌ട്ടുകൾ. വീട്ടിലുണ്ടാക്കിയ ഭക്ഷണം വേണം, വെസ്റ്റേൺ ശൈലിയിലുള്ള ബാത്റൂം, 24 മണിക്കൂറും ചൂടുവെള്ളം വേണം, ടി വി, ഒരു സഹായി തുടങ്ങിയവ‌യാണ് ചിന്നമ്മ ആവശ്യപ്പെട്ടിരിക്കുന്ന‌ത്. തനിക്ക് ആരോഗ്യ പ്രശ്നങ്ങ‌ൾ ഉണ്ടെന്നായിരുന്നു ചിന്നമ്മയുടെ വിശദീക‌രണം. അതേസമയം,ശശികല ആവശ്യപ്പെട്ടിരുന്നതുപോലെ ജയിലില്‍ വി ഐ പി പരിഗണനയോ വീട്ടിലെ ഭക്ഷണമോ അവര്‍ക്ക് ലഭിക്കില്ല. സ്ത്രീകളുടെ ജയില്‍ വാര്‍ഡിലാണ് ശശികലയ്ക്കും ഇളവരശിക്കും ഇടം കൊടുത്തിരിക്കുന്നത്. ശശികല - 10711, ഇളവരശി - 10712 എന്നിവയാണ് അവരുടെ ജയില്‍ നമ്പരുകള്‍.