എസ് ബി ഐ ബാങ്കുകളുടെ ലയനത്തിന് കേന്ദ്ര മന്ത്രി സഭ അംഗീകാരം

എസ് ബി റ്റി ഉള്‍പ്പടെ അഞ്ച് ദേശസാല്‍കൃത ബാങ്കുകള്‍ എസ് ബി ഐയുമായി ലയിക്കുന്നതിന് കേന്ദ്ര സര്‍ക്കാര്‍ അനുമതി നല്‍കി.സ്റ്റേറ്റ് ബാങ്ക് ഓഫ്പാട്യാല,സ്റ്റേറ്റ് ബാങ്ക് ഓഫ് ബിക്കാനീര്‍ ആന്‍ഡ് ജയ്പൂര്‍,സ്റ്റേറ്റ് ബാങ്ക് ഓഫ് ഹൈദ്രാബാദ്,സ്റ്റേറ്റ് ബാങ്ക് ഓഫ് മൈസൂര്‍ എന്നിവയാണ് ലയിക്കുന്ന മറ്റ് ബാങ്കുകള്‍.നോട്ടസാധുവാക്കലും ജീവനക്കാരുടെ എതിര്‍പ്പും മൂലം ലയന നടപടികള്‍ ഇഴഞ്ഞാണ് നീങ്ങിയിരുന്നത്.എന്നാല്‍ ജീവനക്കാരുടെ വിന്യാസം എങ്ങനെയാണെന്നും ലയനം എന്നു പൂര്‍ത്തിയാക്കും ബാങ്കുകളുടെ ക്രമീകരണം തുടങ്ങിയവയെ കുറിച്ചൊന്നും തീരുമാനമായിട്ടില്ല.ബാങ്ക് ലയനത്തെ കേരളം ശക്തമായി എതിര്‍ത്തിരുന്നു. ഈ ബാങ്കുകള്‍ കൂട്ടത്തോടെ ലയിക്കുന്നതോടെ എസ് ബി ഐയുടെ ശാഖകളുടെ എണ്ണം 22500 ഉം 58000 ത്തോളം എ റ്റി എമ്മുകളുമാകും .നിലവില്‍ 16500 ശാഖകളാണ് എസ് ബി ഐയ്ക്കുള്ളത്.ഇതോടെ ഏഷ്യയിലെ ഏറ്റവും വലിയ വാണിജ്യ ബാങ്കായി എസ് ബി ഐ മാറും.