തമിഴ്‌നാട് ആരു ഭരിക്കും?തീരുമാനം വൈകിട്ടോടെ

കഴിഞ്ഞ കുറച്ചു ദിവസങ്ങളായി തമിഴ്‌നാട് രാഷ്ട്രീയത്തിലുണ്ടായിരിക്കുന്ന ഭരണസ്തംഭനത്തിന് വൈകിട്ടോടെതീരുമാനമുണ്ടായേക്കും.നേരത്തേ പ്രശ്‌ന പരിഹാരത്തിനായി ഗവര്‍ണര്‍ വിദ്യാസാഗര്‍ റാവു അറ്റോര്‍ണി ജനറല്‍ മുഗള്‍ റോത്തഗിയോട് നിയമോപദേശം തേടിയിട്ടുണ്ട്.റോത്തഗി മുന്‍ അറ്റോര്‍ണി ജനറല്‍മാരോടും ഭരണ പ്രതിസന്ധി പരിഹരിക്കുന്നതിന് ആവശ്യമായ നിയമോപദേശം തേടിയതായി റിപ്പോര്‍ട്ടുകളുണ്ട്. പ്രശ്‌ന പരിഹാരത്തിന് ഗവര്‍ണറുടെ മുന്നിലുള്ള വഴികള്‍ ഇവയാണ്.സംസ്ഥാനത്ത് അനിശ്ചിതാവസ്ഥ സൃഷ്ടിക്കാതിരിക്കാന്‍ രാഷ്ട്രപതി ഭരണത്തിന് നിര്‍ദ്ദേശിക്കാം.എന്നാല്‍ ആ തീരുമാനത്തിലേക്ക് പോകാനുള്ള സാധ്യത കുറവാണ്.കാരണം രാഷ്ട്രപതി ഭരണത്തിലേക്കു പോയാല്‍ സംസ്ഥാനം അധികം താമസിയാതെ മറ്റൊരു നിയമസഭാ തെരഞ്ഞെടുപ്പിനെ നേരിടേണ്ടി വരും.തെരഞ്ഞെടുപ്പ് നടന്നത് അടുത്തകാലത്താണെന്നുള്ളതും ഭരണകക്ഷിക്ക് ഭൂരിപക്ഷമുണ്ടെന്നുള്ളതും ഗവര്‍ണറെ ഈ തീരുമാനത്തില്‍ നിന്നു പിന്തിരിപ്പിക്കും.പിന്നെയുള്ളത് കാവല്‍ മുഖ്യമന്ത്രിയായ ഒ പനീര്‍ശെല്‍വത്തോട് സഭയില്‍ ഭൂരിപക്ഷം തെളിയിക്കുന്നതിന് ആവശ്യപ്പെടാം.അടുത്ത മാര്‍ഗം ഇന്നലെ നിയമസഭാ കക്ഷി നേതാവായി തെരഞ്ഞെടുക്കപ്പെട്ട എടപ്പാടി പളനിസാമിയെ സര്‍ക്കാരുണ്ടാക്കാന്‍ ക്ഷണിക്കാം.എന്തായാലും രാജ്ഭവനില്‍ നിന്ന് തീരുമാനം മണിക്കൂറുകള്‍ക്കുണ്ടാകുമെന്നാണ് സൂചന.