സര്‍ക്കാരുണ്ടാക്കാന്‍ ക്ഷണിക്കുമോ?ഗവര്‍ണറോട് പഴനിസാമി

അനധികൃത സ്വത്തു സമ്പാദനക്കേസില്‍ ശശികല ശിക്ഷിക്കപ്പെട്ടതിനു പിന്നാലെ എ ഐ ഡി എം കെ നിയമസഭാ കക്ഷി നേതാവായി തെരഞ്ഞെടുക്കപ്പെട്ട ജലസേചന വകുപ്പ് മന്ത്രി എടപ്പാടി പളനിസാമി രാജ്ഭവനിലെത്തി.പളനിസാമിയും 11 മന്ത്രിമാരുമാണ് ഗവര്‍ണറുമായി കൂടിക്കാഴ്ച നടത്തിയത്.ഭൂരിപക്ഷം എംഎല്‍എ മാരുടെയും പിന്തുണ തങ്ങള്‍ക്കുണ്ടെന്നവകാകപ്പെട്ട അവര്‍ തങ്ങളെ സര്‍ക്കാരുണ്ടാക്കാന്‍ ക്ഷണിക്കണമെന്ന് ഗവര്‍ണറോട് ആവശ്യപ്പെട്ടു.കൂടിക്കാഴ്ച 10മിനിറ്റോളം നീണ്ടു. വിധി വന്നതിനു തൊട്ടു പിന്നാലെ നിയമസഭാ കക്ഷി നേതാവായി തെരഞ്ഞെടുക്കപ്പെട്ട പഴനിസാമി സര്‍ക്കാരുണ്ടാക്കാന്‍ ക്ഷണിക്കണമെന്നാവശ്യപ്പെട്ട് കത്തയച്ചിരുന്നു.തുടര്‍ന്ന് പഴനിസാമിയെയും കൂട്ടരെയും രാജ്ഭവനില്‍ നിന്ന് ഗവര്‍ണറെ നേരില്‍ ചെന്നു കാണാന്‍ ക്ഷണമെത്തി. നേരത്തേ ചേര്‍ന്ന എ ഐ ഡി എം കെ നേതൃയോഗം ഏകകണ്ഠമായാണ് തന്നെ നിയമസഭാ കക്ഷി നേതാവായി തെരഞ്ഞെടുത്തതെന്ന് പഴനിസാമി അറിയിച്ചു.ഈ യോഗത്തില്‍ പനീര്‍ശെല്‍വത്തിനൊപ്പം പോയ എംഎല്‍എ മാരേ പാര്‍ട്ടി പുറത്താക്കി.ഒ പി എസിനൊപ്പം ചേര്‍ന്ന എം പി മാരുടെ കാര്യത്തില്‍ നടപടിയുണ്ടായില്ല.സുപ്രീം കോടതി ശിക്ഷിച്ച ശശികലയുടെ വിശ്വസ്തനാണ് .എടപ്പാടി നിയോജക മണ്ഡലത്തെയാണ് ഇദ്ദേഹം പ്രതിനിധാനം ചെയ്യുന്നത്.