ഗവര്‍ണര്‍ അനുമതി നല്‍കിയില്ലെന്ന് സൂചന,ശശികലയുടെ സത്യപ്രതിജ്ഞ അനിശ്ചിതത്വത്തില്‍

അനധികൃത സ്വത്തു സമ്പാദനക്കേസില്‍ ശശികലയ്‌ക്കെതിരെ കേസു നിലനില്‍ക്കുന്നതിനാല്‍ ശശികലയുടെ സത്യപ്രതിജ്ഞക്ക് ഗവര്‍ണര്‍ വിദ്യാ സാഗര്‍ റാവു അനുമതി കൊടുത്തിട്ടില്ലെന്ന് സൂചന.ഇതു സംബന്ധിച്ച് ഏ ജി യോട് അഭിപ്രായം ആരാഞ്ഞതായും വിവരമുണ്ട്.സത്യപ്രതിജ്ഞാ ചടങ്ങ് ഇന്ന് നടക്കുമെന്നുള്ള വിവരങ്ങളാണ് ഇന്നലെ വൈകിയും പുറത്തു വന്നിരുന്നത്.ഗവര്‍ണര്‍ മുംബൈയിലേക്ക് തിരിച്ചതായി ദേശീയ മാധ്യമങ്ങള്‍ റിപ്പോര്‍ട്ടു ചെയ്യുന്നു ജയ ലളിത മുഖ്യമന്ത്രിയായിരുന്നപ്പോള്‍ അനധികൃതമായി സ്വത്തു സമ്പാദിച്ചെന്ന കേസില്‍ ഒരാഴ്ചക്കകം സുപ്രീം കോടതി വിധി പറയും.മുഖ്യമന്ത്രി പദത്തിലേക്കെത്തുകയും കേസില്‍ ശിക്ഷിക്കപ്പെടുകയും ചെയ്താല്‍ ശശികലയ്ക്കു തല്‍സ്ഥാനം സ്ഥാനമൊഴിയേണ്ടതായും വരും.തെരഞ്ഞെടുപ്പില്‍ മല്‍സരിക്കാനും കഴിയില്ല.കേസില്‍ സുപ്രീം കോടതി വിധി വരാനുള്ളതിനാല്‍ ചടങ്ങ് മാറ്റി വെക്കണമെന്ന് ഒരു പൊതു പ്രവര്‍ത്തകന്‍ പൊതു താല്‍പര്യ ഹര്‍ജി നല്‍കിയിട്ടുമുണ്ട്. ജയലളിതയുടെ മരണത്തിനു ശേഷം എ ഐ ഡി എം കെ ജനറല്‍ സെക്രട്ടറി സ്ഥാനത്തേക്കെത്തിയ ശശികലയെ കഴിഞ്ഞദിവസമാണ് മുഖ്യമന്ത്രി സ്ഥാനത്തേക്കു കൂടി പാര്‍ട്ടി നിര്‍ദ്ദേശിച്ചത്.ഇതിനു വഴിയൊരുക്കി ഒ പനീര്‍ശെല്‍വം മുഖ്യമന്ത്രി പദം രാജി വെക്കുകകയും ചെയ്തു.