നേഴ്‌സിന്റെ മരണം,ഗുരുതര ചികില്‍സാ പിഴവ് മൂലം,അഞ്ചു ഡോക്ര്‍മാരേ എയിംസ് സസ്‌പെന്‍ഡ് ചെയ്തു

സിസേറിയന്‍ വൈകിപ്പിച്ചതു മൂലം ഡല്‍ഹി എയിംസ് ആശുപത്രിയില്‍ നേഴ്‌സ് മരിച്ച സംഭവത്തില്‍ മൂന്നു സീനിയര്‍ ഡോക്ടര്‍മാരെയും രണ്ടു ജൂനിയര്‍ ഡോക്ടര്‍മാരേയും ആശുപത്രി അധികൃതര്‍ സസ്‌പെന്‍ഡ് ചെയ്തു.ഇതേ ആശുപത്രിയില്‍ നേഴ്‌സായ രജ്ബീര്‍ കൗര്‍ പ്രസവത്തിന് അസുഖം തുടങ്ങിയതിനെ തുടര്‍ന്നാണ് ആശുപത്രിയില്‍ പ്രവേശിക്കപ്പെട്ടത്.ഫീറ്റസിന് ഹൃദയമിടിപ്പ് കുറഞ്ഞതിനെ തുടര്‍ന്ന് അടിയന്തിര ശസ്ത്രക്രിയ നടത്താന്‍ തീരുമാനിച്ചശേഷം അനസ്‌തേഷ്യനല്‍കാന്‍ വൈകിയതിനെ തുടര്‍ന്ന് യുവതി മരിച്ചെന്നാണ് ആരോപണം.ശസ്ത്രക്രിയയ്ക്കിടയില്‍ യുവതിക്ക് കടുത്ത ഹൃദയാഘാതമുണ്ടാകുകയും ഇവര്‍ കോമയിലേക്ക് പോവുകയും ചെയ്തു.പിന്നീട് മൂന്നാഴ്ചയ്ക്കു ശേഷം യുവതി മരണത്തിന് കീഴടങ്ങി.ഗുരുതര ചികില്‍സാ വീഴ്ചയെ തുടര്‍ന്നാണ് യുവതി മരിച്ചതെന്ന ആരോപണത്തെ തുടര്‍ന്നാണ് ഡോക്ടര്‍മാരെ അന്വേഷണ വിധേയമായി മാറ്റിനിര്‍ത്താന്‍ മെഡിക്കല്‍ ഡയറക്ടര്‍ ബോര്‍ഡ് ശുപാര്‍ശ ചെയ്തത്.യുവതിയുടെ മരണത്തെ തുടര്‍ന്ന് എയിംസിനു പുറത്ത് നേഴ്‌സുമാര്‍ വന്‍ പ്രക്ഷോഭമാണ് നടത്തിയത്.എന്നാല്‍ ഡോക്ടര്‍മാരുടെ സസ്‌പെന്‍ഷനെതിരെ പ്രതിഷേധിക്കാന്‍ ഡോക്ര്‍മാര്‍ രംഗത്തെത്തിയിട്ടുണ്ട്.