യു എസ് ഉപരോധം കാറ്റില്‍ പറത്തി,ഇറാന്‍ സൈനീകാഭ്യാസം നടത്തി

കഴിഞ്ഞമാസം നടത്തിയ ബാലിസ്റ്റിക് മിസൈല്‍പരീക്ഷണത്തിനെതിരെ യു എസ് പ്രഖ്യാപിച്ച ഉപരോധം കാറ്റില്‍ പറത്തി ഇന്നലെ ഇറാന്‍ നൂതന മിസൈല്‍ ,റഡാര്‍ ഉള്‍പ്പടെയുള്ളവയുടെ സൈനീകാഭ്യാസം നടത്തി.സെംനാന്‍ പ്രവശ്യയിലാണ് സൈനീകാഭ്യാസം നടന്നത്.ഇറാന്റെ സൈനീകാഭ്യാസവുമായി ബന്ധപ്പെട്ട് 12 വ്യക്തികള്‍ക്കും 13സ്ഥാപനങ്ങള്‍ക്കുമെതിരെ കഴിഞ്ഞ മാസമാണ് യു എസ് ഉപരോധം പ്രഖ്യാപിച്ചത്. ഇറാന്‍ വിപ്ലവിത്തിന്റെ കരുത്തുകാട്ടാനാണ് സൈനീകാഭ്യാസം നടത്തിയതെന്ന് ഇറാന്‍ റെവല്യൂഷനറി ഗാര്‍ഡ്‌സ് വ്യക്തമാക്കുന്നു.ഇറാന്‍ സ്വയം വികസിപ്പിച്ചെടുത്ത മിസൈലുകളുടെയും റഡാറുകളുടെയും ഉപയോഗമാണ് പരീക്ഷച്ചതെന്ന് വെബ്‌സൈറ്റ് പറയുന്നു.ഭീകരവാദത്തിന്റെ കളിത്തൊട്ടിലാണ് ഇറാനെന്ന് ടോക്കിയോയില്‍ നടന്ന വാര്‍ത്താസമ്മേളനത്തില്‍ യു എസ് പ്രതിരോധ സെക്രട്ടറി ജയിംസ് മാറ്റിസ് അറിയിച്ചു.എന്നാല്‍ മധ്യപൂര്‍വ്വദേശത്ത് യു എസ് സൈനികരുടെ എണ്ണം വര്‍ദ്ധിപ്പിക്കില്ലെന്ന് അദ്ദേഹം കൂട്ടിച്ചേര്‍ത്തു.