മുസ്ലിം ലീഗ് നേതാവും മുന്‍ കേന്ദ്ര മന്ത്രിയുമായ ഇ അഹമ്മദ് എം പി അന്തരിച്ചു

മുസ്ലിം ലീഗ് മുന്‍ അധ്യക്ഷനും മുന്‍ കേന്ദ്ര മന്ത്രിയും എം പിയുമായ ഇ അഹമ്മദ് അന്തരിച്ചു.പുലര്‍ച്ചെ രണ്ടരയോടെ ഡല്‍ഹിലിലായിരുന്നു അന്ത്യം.ഇന്നലെ രാഷ്ട്രപതിയുടെ നയപ്രഖ്യാപ പ്രസംഗത്തിനിടെ കുഴഞ്ഞു വീണ ഇ അഹമ്മദിനെ രാം മനോഹര്‍ ലോഹ്യ ആശുപത്രിയില്‍ പ്രവേശിപ്പിച്ചിരുന്നു.തുടര്‍ന്ന് പുലര്‍ച്ചെ മരണം സ്ഥിരീകരിച്ചു.ഇന്നു 8 മുതല്‍ 12 വരെ ഡല്‍ഹിയില്‍ പൊതു ദര്‍ശനത്തിനു വച്ച ശേഷം ഉച്ചയോടെ മൃതദേഹം കണ്ണൂരിലേക്ക് കൊണ്ടുവരും.വൈകീട്ട് കരിപ്പൂര് ഹജ്ജ് ഹൗസിലും തുടര്‍ന്ന് ലീഗ് ഹൗസിലും പൊതു ദര്‍ശനത്തിനു വയ്ക്കും. തുടര്‍ന്ന് രാത്രി എട്ടരയോടെ കോഴിക്കോട് ലീഗ് ഹൗസില്‍ പൊതു ദര്‍ശനത്തിനു വെയ്ക്കും.കബറടക്കം നാളെ കണ്ണൂരില്‍ 25 വര്‍ഷം ലോക്‌സഭാഗവും 18 വര്‍ഷം നിയമസഭാംഗവുമായിരുന്നു.1967,77,80,82,87 വര്‍ഷങ്ങളില്‍ കേരള നിയമസഭയിലേക്ക് തിരഞ്ഞെടുക്കപ്പെട്ടു.1982 ല്‍ നിയമസഭയില്‍ വ്യവസായ മന്ത്രിയായിരുന്നു.1991,96,98,99,2004,2009,2014 ലും ലോക്‌സഭാംഗമായിരുന്നു.2014 ല്‍ മലപ്പുറത്തു നിന്ന് വലിയ ഭൂരിപക്ഷത്തോടെയാണ് വിജയിച്ചത്.2004 ല്‍ യു പി എ സര്‍ക്കാരിന്റെ വിദേശ കാര്യ സഹമന്ത്രിയായിരുന്നു.രണ്ടാം യു പി എ സര്‍ക്കാരില്‍ റെയില്‍വേ,വിദേശകാര്യം ,മാനവശേഷി വികസനം എന്നിവ കൈകാര്യം ചെയ്തിരുന്നു. വിദേകകാര്യ സഹമമന്ത്രിയായിരുന്നപ്പോള്‍ ഗള്‍ഫ് രാജ്യങ്ങളുമായി അടുപ്പം കാത്തു സൂക്ഷിച്ചിരുന്ന ആളായിരുന്നു ഇ അഹമ്മദ്.രാജ്യാന്തര നയതന്ത്ര മേഖലയില്‍ മുഖ്യ പങ്കുവഹിച്ചു.ഗള്‍ഫഅ മേഖലയിലെ തൊഴില്‍ പ്രശ്‌നങ്ങളില്‍ ഫലപ്രദമായി ഇടപെട്ടു.സൗദി സര്‍ക്കാരിന്റെ ഹജ്ജ് കര്‍മ്മത്തിലെ കഅബ ചടങ്ങിലെ ക്ഷണിക്കപ്പെട്ട അതിഥിയും ഹജ്ജ് സൗഹൃദസംഘത്തിലെ അതിഥിയുമായിരുന്നു. 1938 ഏപ്രില്‍ 29 നു കണ്ണൂരില്‍ വ്യവസായ കുടുംബത്തില്‍ അബ്ദുല്‍ ഖാദര്‍ ഹാജിയുടെയും എടപ്പകത്തി നഫീസാ ബീവിയുടെയും മകനായി ജനനം.തലശേരി ബ്രണ്ണന്‍ കൊളേജിലും തിരുവനന്തപുരം ഗവ.ലോ കൊളേജിലുമായി വിദ്യാഭ്യാസം.എന്നാല്‍ അഭിഭാഷക ബിരുദം മാറ്റ#ി വെച്ച് മുഴുവന്‍ സമയ രാഷ്ട്രീയ പ്രവര്‍ത്തകനായി. ഭാര്യ സുഹറ 1999 വാഹനാപകടത്തില്‍ മരിച്ചു.മക്കള്‍ റയീസ് അഹമ്മദ്(ദുബായ്),നസീര്‍ അഹമ്മദ് (ബഹ്‌റൈന്‍),ഡോ.ഫൗസിയ ഷെര്‍ഷാദ്(പ്രൊഫ.ദുബായ് വിമന്‍സ് മെഡിക്കല്‍ കൊളജ്)മരുമക്കള്‍.നിഷാം റയീസ്,നൗഷീന്‍ നസീര്‍,ഡോ.ബാബു ഷെര്‍ഷാദ്‌