1000 രൂപ നോട്ടുകള്‍ പുതിയ രൂപത്തില്‍ തിരിച്ചെത്തുന്നു ; ഫെബ്രുവരി അവസാനം മുതല്‍ കറന്‍സി നിയന്ത്രണം പിന്‍വലിക്കും

അസാധുവാക്കിയ 1000 രൂപ നോട്ടുകള്‍ പുതിയ രൂപത്തില്‍ തിരിച്ചെത്തും. ഫെബ്രുവരി അവസാനം മുതല്‍ കറന്‍സി നിയന്ത്രണങ്ങളെല്ലാം പിന്‍വലിച്ച് പുതിയ 1000 രൂപ നോട്ടുള്‍പ്പെടെ പുതിയ നോട്ടുകള്‍ കൂടുതലായി എത്തിക്കും. ഇതോടെ ഇപ്പോള്‍ നിലനില്‍ക്കുന്ന പ്രശ്‌നങ്ങള്‍ക്ക് പൂര്‍ണ്ണമായും പരിഹാരം കാണാനാകും. 1000 രൂപ നോട്ടും പുതിയ 500, 2000 നോട്ടുകളും പ്രസുകളില്‍ നിന്ന് വിവിധ കേന്ദ്രങ്ങളിലെത്തിക്കാന്‍ എയര്‍ കാര്‍ഗോ ചാര്‍ട്ടര്‍ സര്‍വ്വീസ് ലഭ്യമാക്കുന്നവരില്‍ നിന്ന് ടെന്‍ഡര്‍ ക്ഷണിച്ചിട്ടുണ്ട്. ടെന്‍ഡര്‍ സ്വീകരിക്കുന്ന അവസാന തീയതി നാളെയാണ്. ആയിരം രൂപ നോട്ട് എത്തിക്കുന്നതോടെ കറന്‍സി നിയന്ത്രണങ്ങളെല്ലാം പൂര്‍ണ്ണമായും മാറ്റാം എന്ന പ്രതീക്ഷയിലാണ് കേന്ദ്രം.