ട്രംമ്പ് പണി കൊടുക്കും,ഏഴു മുസ്ലിം രാജ്യങ്ങളില്‍ നിന്നുള്ളവര്‍ക്ക് അമേരിക്കയില്‍ വിലക്ക്,അഭയാര്‍ത്ഥിളെ നിയന്ത്രിക്കാനൊരുങ്ങുന്നു

കടുത്ത നിയന്ത്രണങ്ങളുടെ ഭാഗമായി ചില മുസ്ലിം രാജ്യങ്ങളിലെ അഭയാര്‍ത്ഥികള്‍ക്ക് അമേരിക്കയില്‍ പ്രവേശനം നിഷേധിക്കാനൊരുങ്ങുകയാണ് അമേരിക്കന്‍ പ്രസിഡന്റ് ഡൊണാള്‍ഡ് ട്രംമ്പ്.ഇസ് ലാമിക് സ്റ്റേറ്റ് ഉള്‍പ്പടെയുള്ള ഭീകരസംഘടനകള്‍ക്ക് ശക്തമായ വേരോട്ടമുള്ള സിറിയ,ഇറാഖ്,ഇറാന്‍,ലിബിയ,സൊമാലിയ,സുഡാന്‍,യെമന്‍ തുടങ്ങി ഏഴു രാജ്യങ്ങളിലെ കുടിയേറ്റക്കാരുടെ അമേരിക്കന്‍ വീസ താല്‍ക്കാലികമായി റദ്ദു ചെയ്‌തേക്കും.ഈ രാജ്യങ്ങളില്‍ നിന്നുള്ളവര്‍ക്ക് പുതുതായി വിസ അനുവദിക്കുന്നതിനും വിലക്കേര്‍പ്പെടുത്താനാണ് ട്രംമ്പിന്റെ നീക്കം.രാജ്യത്ത് സുരക്ഷ വര്‍ദ്ധിപ്പിക്കുന്നതിന്റെ ഭാഗമായാണ് വിസാ നിയന്ത്രണങ്ങള്‍ വരുന്നതെന്നാണ് സൂചന ട്രംമ്പിന്റെ മുഖ്യ തെരഞ്ഞെടുപ്പ് വാഗ്ദാനമായ യു എസ് മെക്‌സിക്കോ അതിര്‍ത്തിയില്‍ ഉടന്‍ മതില്‍ പണിയുമെന്നാണ് സൂചന.മെക്‌സിക്കോ,ക്യൂബ തുടങ്ങിയടങ്ങളില്‍ നിന്നുള്ള അഭിയാര്‍ത്ഥികള്‍ക്കും വിലക്കു ഏര്‍പ്പെടുത്താനാണ് നീക്കം.