നോട്ടസാധുവാക്കല്‍ രാജ്യത്തിന്റെ പുരോഗതിക്ക് അനിവാര്യം,റിപ്പബ്ലിക് ദിന സന്ദേശത്തില്‍ രാഷ്ട്രപതി

കേന്ദ്ര സര്‍ക്കാരിന്റെ നോട്ടസാധുവാക്കല്‍ നടപടിയെയും ലോക്‌സഭാ രാജ്യസഭാ തെരഞ്ഞെടുപ്പുകള്‍ ഒരുമിച്ച് നടത്താനുള്ള നടപടിയെയും പിന്തുണച്ച് രാഷ്ട്രപതി പ്രണബ് മുഖര്‍ജി.ജനങ്ങള്‍ ഇപ്പോളനുഭവിക്കുന്ന ബുദ്ധിമുട്ടുകള്‍ താല്‍ക്കാലികം മാത്രമാണെന്നും രാഷ്ട്രപതി റിപ്പബ്ലിക് ദിന സന്ദേശത്തില്‍ പറഞ്ഞു.തിരഞ്ഞെടുപ്പ് ഒരുമിച്ച് നടത്തുന്നതിനെക്കുറിച്ച് രാഷ്ട്രീയപാര്‍ട്ടികളുടെ അഭിപ്രായം ആരായാന്‍ തിരഞ്ഞെടുപ്പ് കമ്മീഷനോട് രാഷ്ട്രപതി ആവശ്യപ്പെട്ടു. രാജ്യത്തിന്റെ ക്ഷേമം ഉറപ്പാക്കാന്‍ സര്‍ക്കാര്‍ സ്വീകരിച്ച ധീരമായ നടപടിയാണ് നോട്ടസാധുവാക്കല്‍.ഈ നടപടി താല്‍ക്കാലികമായി രാജ്യത്തിന്റെ സമ്പദ് വ്യവസ്ഥയെ മന്ദഗതിയിലാക്കിയിലാക്കിയെങ്കിലും പണമിടപാടുകള്‍ കറന്‍സി രഹിതമാകാന്‍ ഇതുവഴി സഹായകമാകുമെന്നാണ് അദ്ദേഹം അഭിപ്രായപ്പെട്ടു.കള്ളപ്പണത്തിനെതിരെയുള്ള പോരാട്ടം രാജ്യത്തെ മുന്നോട്ടു നയിക്കുമെന്നും ഭീകരവാദത്തിനെതിരായ പോരാട്ടമാണിതെന്നും അദ്ദേഹം സന്ദേശത്തില്‍ പറഞ്ഞു രാജ്യത്തിനു വേണ്ടി അതിര്‍ത്തിയില്‍ ജീവന്‍ ത്യജിച്ച ധീരജവാന്‍മാര്‍ക്കും സന്ദേശത്തില്‍ രാഷ്ട്രപതി ആദരാഞ്ജലി അര്‍പ്പിച്ചു.