ജലോത്സവത്തിനിടെ വള്ളം മറിഞ്ഞ് അപകടം; സംഭവം കോഴിക്കോട് ചാലിയാറിൽ

കോഴിക്കോട്: ചാലിയാറില്‍ മത്സരത്തിനിടെ വള്ളം മറിഞ്ഞു. വള്ളംകളി മത്സരത്തിന്റെ ഫിനിഷിങ് പോയിന്റ് കടന്ന ശേഷമാണ് വള്ളം മറിഞ്ഞത്. എല്ലാവരും നീന്തി കരകയറുകയായിരുന്നു. 25 പേരാണ് വള്ളത്തിലുണ്ടായിരുന്നത്. എ.കെ.ജി മയിച്ചയുടെ ചുരുളന്‍ വള്ളമാണ് മറിഞ്ഞത്. എന്നാല്‍ അപകടം മത്സര നടത്തിപ്പിനെ ബാധിച്ചില്ല. ഫിനിഷിങ് പോയിന്റ് കടന്ന ശേഷമാണ് അപകടം. കൃത്യമായ മാനദണ്ഡങ്ങള്‍ പാലിച്ചാണ് മത്സരം നടത്തിയതെന്നത് വലിയ അപകടം ഒഴിവാക്കി. മത്സരം നടക്കുമ്പോള്‍ ചെറുവള്ളങ്ങളിലായി അഗ്നിശമനസേനാംഗങ്ങള്‍ ചാലിയാറിലുണ്ടായിരുന്നു. പത്ത് വള്ളങ്ങളാണ് മത്സരത്തില്‍ പങ്കെടുത്തതത്. മൂന്ന് ഹീറ്റ്‌സ് മത്സരങ്ങളും ലൂസേഴ്‌സ് ഫൈനലും നടത്തി. അപകടത്തില്‍ ആരുടേയും പരിക്ക് ഗുരുതരമല്ല.