സമസ്ത ട്രഷറർ ചേലക്കാട് മുഹമ്മദ് മുസ്‌ലിയാർ അന്തരിച്ചു

നാദാപുരം : പ്രമുഖ പണ്ഡിതനും സമസ്ത കേരള ജംഇയ്യത്തുല്‍ ഉലമ ട്രഷററുമായ ചേലക്കാട് മുഹമ്മദ് മുസ്‌ലിയാര്‍ (91) അന്തരിച്ചു. വാര്‍ദ്ധക്യസഹജമായ അസുഖത്തെ തുടര്‍ന്ന് വീട്ടില്‍ വിശ്രമജീവിതം നയിക്കുകയായിരുന്നു. മയ്യിത്ത് നിസ്‌കാരം വൈകുന്നേരം നാല് മണിക്ക് ചേലക്കാട് ജുമുഅത്ത് പള്ളിയില്‍ നടക്കും. 2004 മുതല്‍ സമസ്ത കേരള ജംഇയ്യത്തുല്‍ ഉലമാ കേന്ദ്ര മുശാവറയില്‍ അംഗമായി പ്രവര്‍ത്തിച്ചുവരുന്ന അദ്ദേഹം സമസ്ത കോഴിക്കോട് ജില്ലാ പ്രസിഡന്റ് കൂടിയാണ്. മക്കള്‍ : കുഞ്ഞബ്ദുള്ള, അഷ്റഫ്, അബ്ദുല്‍ ജലീല്‍ വാഫി, മറിയം, അസ്യ. മരുമക്കള്‍ : എം ടി ഹാഷിം തങ്ങള്‍, കുഞ്ഞബ്ദുള്ള കുളപറമ്പ് വാണിമേല്‍, ഹൈരുന്നിസ, സല്‍മ, നാഫില.