ഒറ്റത്തവണ ഉപയോഗിക്കാവുന്ന പ്ളാസ്റ്റിക്കുകള്‍ നിരോധിച്ച് ഷാര്‍ജ

അബുദാബിയ്ക്കും ദുബായ്ക്കും പിന്നാലെ ഒറ്റത്തവണ ഉപയോഗിക്കാവുന്ന പ്ളാസ്റ്റിക്കുകള്‍ക്ക് നിരോധനവുമായി ഷാര്‍ജയും. 2024 ജനുവരി ഒന്നുമുതല്‍ പൂര്‍ണമായും നിരോധനം നടപ്പാക്കാനാണ് തീരുമാനം.ആദ്യഘട്ടമെന്നോണം ഒക്ടോബര്‍ ഒന്നു മുതല്‍ ഒറ്റത്തവണ ഉപയോഗിക്കുന്ന പ്ലാസ്റ്റിക്കുകള്‍ക്ക് 25 ഫില്‍സ് ഈടാക്കും. മറ്റ് എമിറേറ്റുകള്‍ക്ക് പിന്നാലെ ഒററത്തവണ ഉപയോ?ഗിക്കാവുന്ന പ്ളാസ്റ്റിക്ക് ബാ?ഗുകള്‍ക്ക് നിരോധനം നടപ്പാക്കാനൊരുങ്ങുകയാണ് ഷാര്‍ജ. എമിറേറ്റിനെ പരിസ്ഥിതി സൗഹൃദമാക്കുന്നതിനും മറ്റു പ്രകൃതി സംരക്ഷണ പദ്ധതികള്‍ക്ക് ഊര്‍ജ്ജം പകരാനും വേണ്ടിയാണ് എക്സിക്യൂട്ടീവ് കൗണ്‍സിലിന്റെ ഈ തീരുമാനം.പുതിയ തീരുമാന പ്രകാരം 2024 ജനുവരി ഒന്നുമുതല്‍ എമിറേററില്‍ പൂര്‍ണമായും നിരോധനം നടപ്പാക്കും ഇതിന്റെ ആദ്യഘട്ടമെന്നോണം ഒക്ടോബര്‍ ഒന്നു മുതല്‍ ഒറ്റത്തവണ ഉപയോഗിക്കുന്ന പ്ലാസ്റ്റിക്കുകള്‍ക്ക് 25 ഫില്‍സ് ഈടാക്കുമെന്ന് അധികൃതര്‍ അറിയിച്ചു. ഒറ്റത്തവണ ഉപയോഗിക്കാവുന്ന പ്ലാസ്റ്റിക് ബാഗുകളും മറ്റു വസ്തുക്കളും കച്ചവടം ചെയ്യുന്നതും ഉല്‍പ്പാദിപ്പിക്കുന്നതും ഇറക്കുമതി ചെയ്യുന്നതുമെല്ലാം നിരോധിച്ചിട്ടുണ്ട്.നേരത്തെ ജൂണ്‍ ഒന്നുമുതല്‍ അബുദാബിയില്‍ ഒററത്തവണ ഉപയോഗിക്കാവുന്ന പ്ളാസ്റ്റിക്കിന് നിരോധനം ഏര്‍പ്പെടുത്തിയിരുന്നു . ദൂബായില്‍ ജൂലൈ ഒന്നുമുതല്‍ പ്ലാസ്റ്റിക് ബാഗുകള്‍ക്ക് 25 ഫില്‍സ് ഈടാക്കിത്തുടങ്ങിയിട്ടുണ്ട്.