മട്ടന്നൂര്‍ നഗരസഭാ ഭരണം എല്‍ഡിഎഫ് നിലനിര്‍ത്തി; യുഡിഎഫിന് അപ്രതീക്ഷിത മുന്നേറ്റം

കണ്ണൂര്‍: മട്ടന്നൂര്‍ നഗരസഭ തെരഞ്ഞെടുപ്പില്‍ യുഡിഎഫിന് അപ്രതീക്ഷിത മുന്നേറ്റം. എല്‍ഡിഎഫ് ഭരണത്തുടര്‍ച്ച ഉറപ്പാക്കിയെങ്കിലും കഴിഞ്ഞ തവണത്തേക്കാള്‍ സീറ്റുകള്‍ കുറഞ്ഞു. 35 വാര്‍ഡുകളില്‍ എല്‍ഡിഎഫ് 21 ഇടത്തും യുഡിഎഫ് 14 ഇടത്തും ജയിച്ചു. നിലവില്‍ മട്ടന്നൂരില്‍ എല്‍ഡിഎഫിന് 28 സീറ്റുകള്‍ ഉണ്ടായിരുന്നു, യുഡിഎഫിന് 7ഉം. 25 സീറ്റുകള്‍ സിപിഎം ഒറ്റയ്ക്ക് നേടിയ നഗരസഭയിലാണ് ഇക്കുറി എല്‍ഡിഎഫ് 21ല്‍ ഒതുങ്ങിയത്. കഴിഞ്ഞ തവണ സിപിഎമ്മിന് 25 ഉം സിപിഐക്കും ഐഎന്‍എല്ലിനും ഓരോ സീറ്റുമാണ് ഉണ്ടായിരുന്നത്. യുഡിഎഫില്‍ കോണ്‍ഗ്രസിന് 4 സീറ്റും മുസ്ലിം ലീഗിന് മൂന്ന് സീറ്റുമായിരുന്നു കഴിഞ്ഞ തവണ. അവിടെ നിന്നാണ് ഇക്കുറി യുഡിഎഫ് സീറ്റുകളുടെ എണ്ണം ഇരട്ടിയാക്കി മുന്നേറ്റം ഉണ്ടാക്കിയത്. കഴിഞ്ഞ തവണത്തെ പോളിംഗ് ശതമാനത്തെ മറികടന്ന ഇത്തവണ 84. 63 ശതമാനം പോളിംഗ് രേഖപ്പെടുത്തിയിരുന്നു. ആകെ 111 സ്ഥാനാര്‍ത്ഥികളാണ് 35 സീറ്റുകളിലേക്ക് മത്സരിച്ചത്. 35 വാര്‍ഡുകളില്‍ 18 വാര്‍ഡുകള്‍ സ്ത്രീകള്‍ക്കും ഒരു വാര്‍ഡ് പട്ടികജാതി വിഭാഗത്തിനും സംവരണം ചെയ്തിരുന്നു. വാര്‍ഡുകളിലെ ഫലം ഇങ്ങനെ... 1 മണ്ണൂര്‍ UDF 2 പൊറോറ UDF 3 ഏളന്നൂര്‍ UDF 4 കീച്ചേരി LDF 5 ആണിക്കരി UDF 6 കല്ലൂര്‍ LDF 7 കളറോഡ് UDF 8 മുണ്ടയോട് LDF 9 പെരുവയല്‍ക്കരി LDF 10 ബേരം UDF 11 കായലൂര്‍ LDF 12 കോളാരി LDF 13 പരിയാരം LDF 14 അയ്യല്ലൂര്‍ LDF 15 ഇടവേലിക്കല്‍ LDF 16 പഴശ്ശി LDF 17 ഉരുവച്ചാല്‍ LDF 18 കരേറ്റ LDF 19 കുഴിക്കല്‍ LDF 20 കയനി LDF 21 പെരിഞ്ചേരി UDF 22 ദേവര്‍കാട് LDF 23 കാര LDF 24 നെല്ലൂന്നി LDF 25 ഇല്ലംഭാഗം UDF 26 മലക്കുതാഴെ LDF 27 എയര്‍പോര്‍ട്ട് LDF 28 മട്ടന്നൂര്‍ UDF 29 ടൗണ്‍ UDF 30 പാലോട്ടുപള്ളി UDF 31 മിനി നഗര്‍ UDF 32 ഉത്തിയൂര്‍ LDF 33 മരുതായി UDF 34 മേറ്റടി UDF 35 നാലങ്കേരി LDF