പോപ്പുലര്‍ ഫ്രണ്ട് നേതാവിന്റെ എആ പോസ്റ്റ് ഷെയര്‍ചെയ്ത വനിതാ എഎസ്ഐക്ക് സസ്പെന്‍ഷന്‍

കാഞ്ഞിരപ്പള്ളി: പോപ്പുലര്‍ ഫ്രണ്ട് നേതാവിന്റെ ഫെയ്സ്ബുക്ക് പോസ്റ്റ് ഷെയര്‍ചെയ്ത വനിതാ എഎസ്ഐക്ക് സസ്പെന്‍ഷന്‍. കാഞ്ഞിരപ്പള്ളി സ്റ്റേഷനിലെ എഎസ്ഐ റംല ഇസ്മയിലിനെയാണ് സസ്പെന്‍ഡ് ചെയ്തത്. നേരത്തെ റംല ഇസ്മയിലിനെതിരേ വകുപ്പുതല അന്വേഷണം നടത്തി റിപ്പോര്‍ട്ട് എസ്.പി.ക്ക് കൈമാറിയിരുന്നു. കാഞ്ഞിരപ്പള്ളി ഡിവൈ.എസ്.പി.യാണ് അന്വേഷണം നടത്തിയത്. തുടര്‍ന്ന് നടപടിക്ക് ശുപാര്‍ശചെയ്ത് കോട്ടയം ജില്ലാ പൊലീസ് മേധാവി, മധ്യമേഖലാ ഡി.ഐ.ജി.ക്ക് റിപ്പോര്‍ട്ട് കൈമാറി. അതേസമയം, ഭര്‍ത്താവ് അബദ്ധത്തില്‍ പോസ്റ്റ് പങ്കുവെച്ചതാണെന്നാണ് ഉദ്യോഗസ്ഥ പോലീസില്‍ മൊഴി നല്‍കിയത്.