തലയണവച്ച് ഗര്‍ഭിണിയായി യുവതി; ഒരു കോടി വിലമതിക്കുന്ന ലഹരിമരുന്നുമായി മോഡല്‍ പിടിയില്‍

ഒരു കോടി രൂപ വിലമതിക്കുന്ന ലഹരിമരുന്നുമായി ഡല്‍ഹിയില്‍ മോഡലും സുഹൃത്തും പിടിയില്‍. ഡല്‍ഹി സര്‍വകലാശാല ക്യാംപസ് പരിസരത്താണ് ഇവര്‍ ലഹരിമരുന്ന് വിറ്റിരുന്നതെന്നു പൊലീസ് അറിയിച്ചത്. മോഡലായ ശുഭം മല്‍ഹോത്ര(25), സുഹൃത്ത് കീര്‍ത്തി(27) എന്നിവരാണ് അറസ്റ്റിലായത്. ഇരുവരും ഹിമാചലില്‍നിന്നു കാറില്‍ ലഹരിമരുന്ന് കടത്തിക്കൊണ്ടു വന്ന് ഡല്‍ഹിയില്‍ വില്‍ക്കുകയായിരുന്നു. പൊലീസ് പരിശോധനിയില്‍നിന്നു രക്ഷപ്പെടുന്നതിനായി തലയണ ഉപയോഗിച്ച് ഗര്‍ഭിണിയാണെന്നു തെറ്റിധരിപ്പിച്ചാണ് കീര്‍ത്തി ലഹരിമരുന്ന് കടത്തിയിരുന്നതെന്നു പൊലീസ് അറിയിച്ചു. ശുഭവും കീര്‍ത്തിയും ഹിമാചലില്‍നിന്നു വരുന്നുണ്ടെന്ന് ക്രൈംബ്രാഞ്ചിനു ലഭിച്ച വിവരത്തിന്റെ അടിസ്ഥാനത്തില്‍ ഡല്‍ഹി ഇന്‍ഡസ് ബോര്‍ഡറില്‍ ഇവരെ പിടിക്കുന്നതിനായി വലവിരിച്ചു. ശക്തമായ മഴ പോലും വകവയ്ക്കാതെ പൊലീസ് ഇവരെ പിന്തുടര്‍ന്നു പിടികൂടുകയായിരുന്നു.