വയറ് വേദനയുമായി ആശുപത്രിയില്‍ പോയി; തനിക്ക് ഗര്‍ഭപാത്രമുണ്ടെന്നും 20 വര്‍ഷമായി ആര്‍ത്തവുമുണ്ടെന്നും യുവാവ് കണ്ടെത്തുന്നത് അപ്പോള്‍

കഴിഞ്ഞ 20 വര്‍ഷമായി തന്ന അലട്ടുന്ന ആരോഗ്യ പ്രശ്നങ്ങള്‍ക്ക് പിന്നിലെ കാരണം അറിഞ്ഞ ഞെട്ടലിലാണ് ചൈനയിലെ ചെന്‍ ലി. 33 കാരനായ ചെന്‍ ലിക്ക് ഗര്‍ഭപാത്രം ഉണ്ട്. 20 വര്‍ഷമായി ആര്‍ത്തവവുമുണ്ട്. എല്ലാ മാസവും ചെന്‍ ലിക്ക് വയറ് വേദനയും മൂത്രത്തില്‍ രക്തവും കണ്ടെത്തിയിരുന്നു. ഇതിന്റെ ചികിത്സയ്ക്കായി ഗംഗ്സോ ആശുപത്രിയില്‍ വൈദ്യ പരിശോധനയ്ക്ക് വിധേയനായപ്പോഴാണ് തനിക്ക് സ്ത്രീ ലൈംഗികാവയവങ്ങള്‍ ഉണ്ടെന്ന സത്യം ചെന്‍ ലി തിരിച്ചറിയുന്നത്. 'ഇന്റര്‍സെക്സ്' ആയാണ് ചെന്‍ ലി പിറന്നത്. പുരുഷ ലൈംഗികാവയവങ്ങള്‍ ഉണ്ടെങ്കിലും സ്ത്രീകളുടെ ലൈംഗികാവയവയങ്ങളും ഉണ്ടാരുന്ന അവസ്ഥയാണ് ഇന്റര്‍സെക്സ്. പുരുഷ ലൈംഗികാവയവത്തിനൊപ്പം ഗര്‍ഭപാത്രം, അണ്ഡാശയം എന്നിവ ചെന്‍ലിക്ക് ഉണ്ടായിരുന്നു. ചെന്‍ലിയുടെ അഭ്യര്‍ത്ഥനപ്രകാരം ഗര്‍ഭാശയം നീക്കം ചെയ്തു. ജൂണ്‍ 6 ന് നടന്ന ശസ്ത്രക്രിയയ്ക്ക് പിന്നാലെ പത്ത് ദിവസം വിശ്രമവും കഴിഞ്ഞാണ് ചെന്‍ലി പൂര്‍ണ ആരോഗ്യവാനായി പുറത്തിറങ്ങിയത്.