തെരഞ്ഞെടുപ്പ് ചട്ട ലംഘനം; ഇമ്രാന്‍ ഖാന് 50,000 രൂപ പിഴ

തെരഞ്ഞെടുപ്പ് പെരുമാറ്റ ചട്ടം ലംഘിച്ചതിന് പാകിസ്താന്‍ ?പ്രധാനമന്ത്രി ഇമ്രാന്‍ ഖാന് 50,000 രൂപ പിഴയിട്ട് പാക് തെരഞ്ഞെടുപ്പ് കമ്മിഷന്‍. ഖൈബര്‍ പഖ്തൂന്‍ഖ്വയില്‍ പ്രാദേശിക തെരഞ്ഞെടുപ്പ് നടക്കുന്നതിനു മുന്നോടിയായാണ് ഇമ്രാന്‍ റാലിയെ അഭിസംബോധന ചെയ്തത്. ഇമ്രാന്‍ സ്വാത് സന്ദര്‍ശിക്കുന്നത് മാര്‍ച്ച് 15ന് തെരഞ്ഞെടുപ്പ് കമ്മിഷന്‍ വിലക്കിയിരുന്നു. എന്നാല്‍ നിര്‍ദേശം മറികടന്ന് പ്രധാനമന്ത്രി സ്വാതിലെത്തി റാലിയെ അഭിസംബോധന ചെയ്യുകയായിരുന്നുവെന്നാണ് റിപ്പോര്‍ട്ട് . തെരഞ്ഞെടുപ്പ് നടക്കുമ്പോള്‍ ഭരണകര്‍ത്താക്കള്‍ അവിടം സന്ദര്‍ശിക്കരുതെന്നാണ് പുതിയ തെരഞ്ഞെടുപ്പ് പെരുമാറ്റ ചട്ടം. ഖൈബര്‍ പഖ്തൂന്‍ഖ്വയില്‍ രണ്ടാംഘട്ട പ്രാദേശിക തെരഞ്ഞെടുപ്പ് മാര്‍ച്ച് 31നാണ് നടക്കുന്നത്. ചട്ടം ലംഘിച്ചതിന് ഇമ്രാനെതിരെ തെരഞ്ഞെടുപ്പ് കമ്മിഷന്‍ രണ്ടുതവണ നോട്ടിസ് നല്‍കിയിരുന്നു.