രാജ്യാന്തര ചലച്ചിത്ര മേള; ഇന്ന് 69 ചിത്രങ്ങള്‍,50 ചിത്രങ്ങളുടെ അവസാന പ്രദര്‍ശനം

രാജ്യാന്തര ചലച്ചിത്രമേളയിലെ ആറാം ദിനമായ ഇന്ന് ലോക സിനിമയിലെ 25 ചിത്രങ്ങള്‍ ഉള്‍പ്പടെ 69 സിനിമകള്‍ പ്രദര്‍ശിപ്പിക്കും. പുരുഷാധിപത്യത്തിനെതിരെ ഒരു യുവതി നടത്തുന്ന പോരാട്ടത്തിന്റെ കഥ പറയുന്ന അല്‍ബേനിയന്‍ ചിത്രം ഹൈവ് , മാലിയുടെ പശ്ചാത്തലത്തിലെ പ്രണയകഥ മാലി ട്വിസ്റ്റ് , എ ഹീറോ, ഫ്രാന്‍സ്, ബെല്ലാര്‍ഡ് ഓഫ് വൈറ്റ് കൗ ,107 മദേഴ്‌സ് തുടങ്ങിയ ചിത്രങ്ങളാണ് ഇന്ന് പ്രദര്‍ശിപ്പിക്കുന്നത്. ലൈംഗികാതിക്രമത്തിനിരയായ അധ്യാപികയുടെ ജീവിതം പ്രമേയമാക്കിയ അപര്‍ണ സെന്‍ ചിത്രം ദി റേപ്പിസ്റ്റ് ഉള്‍പ്പെടെ 50 ചിത്രങ്ങളുടെ മേളയിലെ അവസാന പ്രദര്‍ശനത്തിനും ബുധനാഴ്ച വേദിയാകും. ഇനെസ് മരിയ ബരിയോന്യുവോയുടെ സ്പാനിഷ് ചിത്രമായ കമീലിയ കംസ് ഔട്ട് റ്റുനൈറ്റ്, അന്റ്റൊണെറ്റാ കുസിജനോവിചിന്റെ ക്രോയേഷ്യന്‍ ചിത്രമായ മുറിന, നതാലി അല്‍വാരെസ് മെസെന്‍ന്റെ ക്ലാര സോള, റഷ്യന്‍ ചിത്രം ക്യാപ്റ്റന്‍ വോള്‍കൊനോഗോവ് എസ്‌കേപ്പ്ഡ്, വിനോദ് രാജിന്റെ കൂഴങ്കല്‍ എന്നീ മത്സര ചിത്രങ്ങളുടെ മേളയില്‍ അവസാന പ്രദര്‍ശനവും ഇന്നാണ് . മലയാള ചിത്രങ്ങളായ ബനേര്‍ഘട്ട ,നായാട്ട് ,അവനവിലോന ,വുമണ്‍ വിത്ത് എ മൂവീ ക്യാമറ ,സണ്ണി എന്നീ മലയാളച്ചിത്രങ്ങളും ഇന്ന് പ്രദര്‍ശിപ്പിക്കും.