ബിഗ് ബോസിന്റെ കുഞ്ഞ് എന്റെ വയറ്റിലുണ്ട്; ചര്‍ച്ചയായി താരത്തിന്റെ വീഡിയോ

ഇന്ത്യന്‍ മിനിസ്‌ക്രീന്‍ പ്രേക്ഷകരുടെ പ്രിയപ്പെട്ട റിയാലിറ്റി ഷോയാണ് ബിഗ് ബോസ്. ഹിന്ദിയില്‍ ആരംഭിച്ച ഷോ പിന്നീട് മറ്റ് തെന്നിന്ത്യന്‍ ഭാഷകളിലും ആരംഭിക്കുകയായിരുന്നു. പ്രേക്ഷകരുടെ പ്രിയപ്പെട്ട താരങ്ങളുടെ റിയല്‍ ലൈഫ് ജീവിതമാണ് ഷോയിലൂട!!െ കാണിക്കുന്നത്.ഷോയുടെ പ്രമേയമായുരുന്നു കാഴ്ചക്കാരെ വര്‍ധിപ്പിച്ചത്. ഇത്തരത്തിലൊരു ഷോ മിനിസ്‌ക്രീനില്‍ ആദ്യമായിട്ടായിരുന്നു. താരങ്ങള്‍ മത്സരാര്‍ഥികളാകുമ്പോള്‍ സൂപ്പര്‍ താരങ്ങളാണ് അവതാരകരാവുന്നത്. ഇതും ഷോയുടെ ഒരു ഹൈലൈറ്റ് ആയിരുന്നു.2018 ല്‍ ആയിരുന്നു ബിഗ് ബോസ് മലയാളം പതിപ്പ് ആരംഭിക്കുന്നത്. മോഹന്‍ലാല്‍ അവതാരകനായി എത്തിയ ഷോയ്ക്ക് മികച്ച പ്രേക്ഷക സ്വീകാര്യതയായിരുന്നു ലഭിച്ചിരുന്നത്.സാബുമോന്‍, പേളി മാണി. രഞ്ജിനി ഹാരിദാസ്, ശ്രീനീഷ്, അരിസ്റ്റോ സുരേഷ്, ഷിയാസ് എന്നിവരായിരുന്നു എത്തിയത്. ഈ ഷോ 100 ദിവസം പൂര്‍ത്തിയാക്കിയിരുന്നു. ആദ്യ ഭാഗം വിജയമായതിനെ തുടര്‍ന്ന് 2020 ല്‍ രണ്ടാം ഭാഗം തുടങ്ങിയിരുന്നു. ആര്യ, വീണ, രജിത് കുമാര്‍, അഭിരാമി അമൃത സുരേഷ്, എലീന, ഫുക്രു എന്നിവരായിരുന്നു മത്സരാര്‍ഥികള്‍. എന്നാല്‍ കൊവിഡ് പ്രതിസന്ധിയെ തുടര്‍ന്ന് ഇത് നിര്‍ത്തി വയ്ക്കുകയായിരുന്നു. 2021 ല്‍ ആണ് ബിഗ് ബോസ് മൂന്നാം സീസണ്‍ തുടങ്ങുന്നത്. കൊവിഡ് മാനദണ്ഡങ്ങള്‍ പാലിച്ചായിരുന്നു ഷോ ആരംഭിച്ചത്. എന്നാല്‍ ഫിനാലെയ്ക്ക് ദിവസങ്ങള്‍ മാത്രം ശേഷിക്കവെ ഇത് നിര്‍ത്തി വയ്ക്കുതയായിരുന്നു. പിന്നീട് മാസങ്ങള്‍ക്ക് ശേഷമായിരുന്നു വിജയിയെ പ്രഖ്യാപിക്കുന്നത്. മണിക്കുട്ടന്‍ ആയിരുന്നു ടൈറ്റില്‍ വിന്നര്‍. മലയാളത്തില്‍ ഇങ്ങനെയായിരുന്നു ബിഗ് ബോസ് ഷോയുടെ ഗ്രാഫ് എങ്കില്‍ മറ്റുള്ള ഭാഷകളില്‍ ഇതിന് വ്യത്യസ്തമായിരുന്നു. അധികം ഇടവേള ഇല്ലാതെ ഹിന്ദി, തെലുങ്ക്, തമിഴ് ഭാഷകളില്‍ പുതിയ സീസണുകള്‍ ആരംഭിക്കുകയായിരുന്നു. പുതിയ സീസണുകള്‍ അവസാനിച്ചിട്ടുമുണ്ട്.തമിഴില്‍ ബിഗ് ബോസ് സീസണ്‍ 5 ആണ് ഇപ്പോള്‍ അവസാനിച്ചിരിക്കുന്നത്. 2021 ഒക്ടോബര്‍ 3 ന് ആരംഭിച്ച ഷോ 2022 ജനുവരി 16ന് അവസാനിച്ചത്. രാജു ആയിരുന്നു ടൈറ്റില്‍ വിന്നര്‍. നടന്‍ കമല്‍ ഹാസനാണ് ഷോ അവതരിപ്പിച്ചത്. തുടക്കം മുതല്‍ ഉലകനായകനായിരുന്നു തമിഴിലെ അവതാരകന്‍. ബിഗ് ബോസ് 15ാം സീസണ്‍ ആണ് ഹിന്ദിയില്‍ ഇപ്പോള്‍ ഫിനാലെ കഴിഞ്ഞിരിക്കുന്നത്. തെലുങ്കിലും 5ാം സീസണ്‍ അവസാനിച്ചിട്ടുണ്ട്. ഷോയ്ക്ക് ശേഷവും ബിഗ് ബോസ് ഹൗസിലെ വിശേഷങ്ങള്‍ പ്രേക്ഷകരുടെ ഇടയില്‍ ചര്‍ച്ചയാവാറുണ്ട്. ഇപ്പോഴിത തമിഴ് ബിഗ് ബോസ് താരം അനിതയുടെ വീഡിയോ കോളിവുഡ് കോളങ്ങളിലും സോഷ്യല്‍ മീഡിയയിലും ഇടം പിടിക്കുകയാണ്. ബിഗ് ബോസ് അഞ്ചാം സീസണില്‍ മറ്റ് സീസണിലെ മത്സരാര്‍ത്ഥികളും എത്തിയിരുന്നു. ബിഗ് ബോസില്‍ നിന്ന് താന്‍ ഗര്‍ഭിണിയായി എന്നാണ് അനിത തമാശരൂപണേ പറയുന്നത്. താനും ബിഗ് ബോസും വിവാഹിതരായെന്നും ലിറ്റില്‍ ബിഗ് ബോസ് വയറ്റില്‍ വളരുന്നുണ്ടെന്നുമായിരുന്നു അനിത സമ്പത്ത് നേരം പോക്കായി പറഞ്ഞത്. താരത്തിന്റെ വീഡിയോ സോഷ്യല്‍ മീഡിയയില്‍ വൈറല്‍ ആയിട്ടുണ്ട്. സഹമാത്സരാര്‍ത്ഥികള്‍ അനിതയുടെ തമാശ കേട്ട് ചിരിക്കുന്നതും വീഡിയോയില്‍ കാണാം. പ്രേക്ഷകരും താരത്തിന്റെ വീഡിയോ ഏറ്റെടുത്തിട്ട്. വിവാഹിതയായ അനിതയുടെ വാക്കുകള്‍ താമാശയായിട്ടാണ് ആരാധകരും സ്വീകരിച്ചിരിക്കുന്നത്. താരത്തിനും ബിഗ് ബോസിനും നല്ലൊരു കുടുംബജീവിതവും പ്രേക്ഷകര്‍ ആശംസിക്കുന്നുണ്ട്. മാധ്യമപ്രവര്‍ത്തക കൂടിയാണ് അനിത. ഇപ്പോള്‍ സിനിമയില്‍ അഭിനയിക്കുകയാണ് താരം. 2019 ല്‍ ആയിരുന്നു താരത്തിന്ഡറെ വിവാഹം. ഗ്രാഫിക് ഡിസൈനറാണ് ഭര്‍ത്താവ്.