ഗ്ലാമറസ് ലുക്കില്‍ ചിത്രങ്ങള്‍ പങ്ക് വെച്ച് താരം

മിനിസ്‌ക്രീന്‍ പരമ്പരയായ ഓട്ടോഗ്രാഫ് എന്ന പരമ്പരയിലൂടെ അഭിനയരംഗത്ത് എത്തിയ താരമാണ് ശാലിന്‍. പിന്നീട് ബിഗ് സ്‌ക്രീനിലും ശാലിന്‍ തിളങ്ങി.സോഷ്യല്‍ മീഡിയയില്‍ സജീവമായ താരം പങ്കിടുന്ന ചിത്രങ്ങള്‍ ഇരു കൈയും നീട്ടിയാണ് പ്രേക്ഷകര്‍ സ്വീകരിക്കുന്നത്. അത്തരത്തിലുള്ള ഏതാനും ചിത്രങ്ങളാണ് ഇപ്പോള്‍ വൈറലാകുന്നത്. ഗ്ലാമറസ് ലുക്കിലുള്ള ചിത്രങ്ങളാണ് ശാലിന്‍ പങ്കുവച്ചിരിക്കുന്നത്. പരിശോധിച്ചുറപ്പിച്ച ജീവിതത്തിലെ ചെറിയ കാര്യങ്ങളെന്നാണ് ചിത്രങ്ങള്‍ക്കൊപ്പം താരം കുറിച്ചത്. നിരവധി പേരാണ് പോസ്റ്റിന് താഴെ കമന്റുകളുമായി രംഗത്തെത്തുന്നത്. ലോക്ഡൗണ്‍ കാലത്ത് ഡയറ്റിലൂടെയും വ്യായാമത്തിലൂടെയും ശരീരഭാരം കുറച്ച ശാലിന്റെ മേക്കോവര്‍ ശ്രദ്ധനേടിയിരുന്നു. 68-ല്‍ നിന്നാണ് ശാലിന്‍ ശരീരരഭാരം 55 കിലോ ആയി ചുരുക്കിയത്.എല്‍സമ്മ എന്ന ആണ്‍കുട്ടി, മാണിക്യക്കല്ല് തുടങ്ങിയ ചിത്രങ്ങളില്‍ ബാല താരമായെത്തിയ ശാലിന്‍, വിശുദ്ധന്‍, റെബേക്ക ഉതുപ്പ് കിഴക്കേമല, ധമാക്ക തുടങ്ങി നിരവധി സിനിമകളില്‍ സുപ്രധാന വേഷങ്ങളിലെത്തി. ഏഷ്യാനെറ്റിലെ ഓട്ടോഗ്രാഫ് എന്ന പരമ്പരയിലൂടെ ആയിരുന്നു ശാലിന്‍ അഭിനയരംഗത്ത് എത്തിയത്.ഒരൊറ്റ പരമ്പരയിലൂടെ തന്നെ മലയാളികളുടെ ഇഷ്ട താരമായി മാറാന്‍ ശാലിന് സാധിച്ചു. തുടര്‍ന്നായിരുന്നു ബിഗ് സ്‌ക്രീനിലേക്കും ഈ നടിയെ തേടി അവസരങ്ങള്‍ എത്തിയത്.