‘ദി ട്രൂത്ത്’ ഹിറ്റ് സിനിമയുടെ ലൊക്കേഷന്‍ ചിത്രം പങ്ക് വെച്ച് ഷാജി കൈലാസ്; രണ്ടാം ഭാഗം വരുന്നുണ്ടോയെന്ന് ആരാധകര്‍

മലയാള സിനിമയുടെ പ്രിയ സംവിധായകനാണ് ഷാജി കൈലാസ്. മുന്‍നിരനായികാ നായന്മാര്‍ക്കൊപ്പം പ്രവര്‍ത്തിച്ച് ഒരുപിടി മികച്ച സനിമകള്‍ മലയാളത്തിന് സമ്മാനിക്കാന്‍ സംവിധായകന് സാധിച്ചിട്ടുണ്ട്. മമ്മൂട്ടിയെ നായകനാക്കി നിരവധി ഹിറ്റ് സിനിമകള്‍ ഷാജി കൈലാസ് ഒരുക്കിയിരുന്നു. ഇപ്പോഴിതാ മമ്മൂട്ടിക്കൊപ്പമുള്ള ഒരു പഴയകാല ചിത്ര പങ്കുവച്ചിരിക്കുകയാണ് സംവിധായകന്‍. 'ദി ട്രൂത്ത്' എന്ന ഹിറ്റ് സിനിമയുടെ ലൊക്കേഷനില്‍ വെച്ചുള്ള ചിത്രമാണ് ഷാജി കൈലാസ് ഇന്‍സ്റ്റാഗ്രാമിലൂടെ പങ്കുവെച്ചിരിക്കുന്നത്. 'ഏത് അവസ്ഥയിലും പുഞ്ചിരി എന്നതാണ് മികച്ച പ്രതികരണം' എന്നാണ് ചിത്രത്തോടൊപ്പം അദ്ദേഹം കുറിച്ചിരിക്കുന്നത്. നിരവധി പേരാണ് പോസ്റ്റിന് താഴെ കമന്റുകളുമായി രം?ഗത്തെത്തിയത്. 'രണ്ടാം ഭാഗത്തിന് എന്തെങ്കിലും സ്‌കോപ്പ് ഉണ്ടോ' എന്നാണ് ആരാധകന്‍ ചോദിക്കുന്നത്. മമ്മൂട്ടിയുമായി ഒരു ചിത്രം കൂടി ചെയ്യണമെന്നും ഷാജി കൈലാസിനോട് ചിലര്‍ ആവശ്യപ്പെടുന്നുമുണ്ട്. വിവിധ സോഷ്യല്‍ മീഡിയ പ്ലാറ്റ്‌ഫോമുകളില്‍ ഫോട്ടോ പ്രചരിക്കുന്നുണ്ട്. 1998ല്‍ പുറത്തിറങ്ങിയ ചിത്രമാണ് ദി ട്രൂത്ത്. എസ് എന്‍ സ്വാമിയായിരുന്നു തിരക്കഥ. തിലകന്‍, മുരളി, ജനാര്‍ദ്ദനന്‍, വാണി വിശ്വനാഥ്, ദിവ്യ ഉണ്ണി, ബാലചന്ദ്രമേനോന്‍, സായി കുമാര്‍ തുടങ്ങിയവരാണ് സിനിമയിലെ മറ്റു പ്രധാന കഥാപാത്രങ്ങളെ അവതരിപ്പിച്ചത്. മലയാള സിനിമയുടെ ഹിറ്റ് ലിസ്റ്റുകള്‍ എടുത്താല്‍ അതില്‍ ഒരു ചിത്ര ദി ട്രൂത്താണ്.