ബോക്‌സോഫീസില്‍ നേട്ടം കൊയ്ത് ‘ഹൃദയം’; ഓസ്‌ട്രേലിയയിലും ന്യൂസിലന്‍ഡിലും മികച്ച കളക്ഷന്‍

പ്രണവ് മോഹന്‍ലാലിനെ നായകനാക്കി വിനീത് ശ്രീനിവാസന്‍ സംവിധാനം ചെയ്ത ചിത്രം ഹൃദയം കഴിഞ്ഞ ദിവസമായിരുന്നു റിലീസ് ചെയ്തത്. സിനിമ എല്ലാ കോണുകളില്‍ നിന്നും മികച്ച പ്രതികരണമാണ് നേടുന്നത്. ഇപ്പോഴിതാ ചിത്രം വിദേശ രാജ്യനഗളില്‍ നിന്ന് മികച്ച കളക്ഷന്‍ നേടുന്നു എന്ന റിപ്പോര്‍ട്ടുകളാണ് വരുന്നത്.ഓസ്ട്രേലിയ, ന്യൂസിലാന്റ് എന്നീ രാജ്യങ്ങളിലെ ഏറ്റവും വലിയ ഓപ്പണിംഗ് കളക്ഷന്‍എന്ന റെക്കോര്‍ഡും ചിത്രം സവാന്തമാക്കി കഴിഞ്ഞു. ഓസ്‌ട്രേലിയയില്‍ 34 സ്‌ക്രീനുകളിലും ന്യൂസിലന്‍ഡില്‍ 21 സ്‌ക്രീനുകളിലുമാണ് ഹൃദയം പ്രദര്‍ശനമാരംഭിച്ചിരിക്കുന്നത്. ഓസ്ട്രേലിയയില്‍ വ്യാഴാഴ്ച 2,760 ഡോളറും വെള്ളിയാഴ്ച 51,836 ഡോളറുമാണ് ചിത്രം നേടിയത്. ഇതോടെ ആകെ 53,836 ഡോളറാണ് ആകെ ചിത്രം നേടിയത്. ന്യൂസിലാന്റില്‍ വ്യാഴാഴ്ച 12,905 ഡോളറും, വെള്ളിയാഴ്ച 14,594 ഡോളറും നേടിയ ചിത്രം 27,499 ഡോളറാണ് ആകെ നേടിയത്. പ്രമുഖ ട്രേഡ് അനലിസ്റ്റ് തരണ്‍ ആദര്‍ശ് ആണ് ഇക്കാര്യം ട്വിറ്ററിലൂടെ അറിയിച്ചത്.ദര്‍ശനാ രാജേന്ദ്രന്‍, കല്യാണി പ്രിയദര്‍ശന്‍, പ്രണവ് മോഹന്‍ലാല്‍ എന്നിവര്‍ പ്രധാന വേഷങ്ങളില്‍ എത്തിയ ചിത്രമാണ് 'ഹൃദയം' അഞ്ച് വര്‍ഷത്തെ ഇടവേളയ്ക്ക് ശേഷമാണ് വിനീത് ശ്രീനിവാസന്‍ വീണ്ടും ഒരു ചിത്രം സംവിധാനം ചെയ്യുന്നത്. ഹിഷാം അബ്ദുല്‍ വഹാബ് എന്ന യുവ സംഗീത സംവിധായകന്റെ ഗാനങ്ങളും ചിത്രത്തിന്റെ മനോഹാരിത കൂട്ടുന്നു.