‘എന്റെ ബ്രായുടെ അളവെടുക്കുന്നത് ദൈവമാണ്’; നടി ശ്വേത തിവാരിക്കെതിരെ കേസ്

മതനിന്ദാ പരാമര്‍ശം നടത്തിയെന്ന ആരോപണത്തിന് പിന്നാലെ ബോളിവുഡ് നടി ശ്വേത തിവാരിക്കെതിരെ കേസെടുത്തു. മതവിശ്വാസം വ്രണപ്പെടുത്തിയെന്ന പരാതിയെ തുടര്‍ന്നാണ് പൊലീസ് നടപടി. ഐപിസി 295(എ) വകുപ്പ് പ്രകാരമാണ് കേസ് രജിസ്റ്റര്‍ ചെയ്തിരിക്കുന്നത്. സോനു പ്രജാപതി എന്നയാളാണ് നടി മതനിന്ദ പരാമര്‍ശം നടത്തിയെന്ന് പരാതി നല്‍കിയത്. തുടര്‍ന്ന് ശ്യാംല പൊലീസ് കേസെടുത്ത് അന്വേഷണം ആരംഭിച്ചു. പരാതിയില്‍ നടിയെ വിളിച്ച് വരുത്തുമെന്ന് പൊലീസ് പറഞ്ഞു. ഔദ്യോഗികമായി അറസ്റ്റ് ചെയ്ത് ജാമ്യത്തില്‍ വിടുമെന്ന് കോട്വാലി എസ്പി ബിട്ടു ശര്‍മ്മ അറിയിച്ചു. വാര്‍ത്താ ഏജന്‍സിയായ പിടിഐയോടാണ് ഇക്കാര്യങ്ങള്‍ വ്യക്തമാക്കിയത്. കഴിഞ്ഞ ദിവസമാണ് പുതിയ വെബ് സീരീസ് റിലീസിനോടനുബന്ധിച്ച് ഭോപ്പാലില്‍ നടത്തിയ വാര്‍ത്താ സമ്മേളനത്തില്‍ നടിയുടെ വിവാദ പരാമര്‍ശം നടത്തിയത്. 'മേരേ ബ്രാ കി സൈസ് കി ഭഗവാന്‍ ലേ രഹേ ഹെ'(എന്റെ ബ്രായുടെ അളവെടുക്കുന്നത് ദൈവമാണ്) എന്ന താരത്തിന്റെ വാക്കുകളാണ് വിവാദത്തിന് ഇടയാക്കിയത്. ശ്വേതയുടെ വീഡിയോ വൈറലായതോടെ വിമര്‍ശനവുമായി നിരവധി പേര്‍ രംഗത്തെത്തി. മഹാഭാരതം സീരിയലില്‍ കൃഷ്ണനായി അഭിനയിച്ച സൗരഭ് ജെയിനാണ് സീരീസിലെ ബ്രാ ഫിറ്റര്‍ റോളില്‍ അഭിനയിക്കുന്നത്. ഇക്കാര്യം തമാശ രൂപണ അറിയിച്ചതാണ് നടിയുടെ വിശദീകരണം. സംഭവത്തില്‍ നടിക്കെതെതിരെ അന്വേഷണം നടത്തി അറസ്റ്റ് ചെയ്യണമെന്ന് നിരവധി പേര്‍ ആവശ്യപ്പെട്ടിരുന്നു.