വിവാഹ മോചന സമയത്ത് താന്‍ അനുഭവിച്ച മാനസിക സമ്മര്‍ദ്ദങ്ങളെ കുറിച്ച് മലൈക അറോറ

അര്‍ജ്ജുന്‍ കപൂറുമായുള്ള മലൈക അറോറയുടെ പ്രണയ ബന്ധം ഇപ്പോള്‍ ബോളിവുഡിന് പുറത്തും ചൂടുള്ള വാര്‍ത്തയാണ്. ഇരുവരും ബ്രേക്കപ്പ് ആകുകയാണെന്ന ഗോസിപ്പുകളെ കാറ്റില്‍ പറത്തി ആ ബന്ധത്തിന് ശക്തി പകരുകയായിരുന്നു അര്‍ജ്ജുന്‍ കപൂര്‍. അടുത്തിടെ നല്‍കിയ അഭിമുഖത്തില്‍ സംസാരിക്കവെ ആദ്യ വിവാഹത്തിന്റെ തകര്‍ച്ചയെ കുറിച്ച് മലൈക അറോറ മനസ്സ് തുറക്കുകയുണ്ടായി. 2016 ല്‍ ആണ് മലൈക അറോറയും അര്‍ബാസ് ഖാനും തമ്മില്‍ വേര്‍പിരിഞ്ഞത്. വിവാഹ മോചന സമയത്ത് തന്നെ ഏറ്റവും അധികം സമ്മര്‍ദ്ദത്തിലാക്കിയത് സമൂഹത്തിലുള്ള തന്റെ ഇമേജിനെ കുറിച്ചും മകന്റെ ഭാവിയെ കുറിച്ചും ഉള്ള ചിന്തയായിരുന്നു എന്ന് മലൈക പറയുന്നു. വ്യക്തിപരമായി ഒരുപാട് സമ്മര്‍ദ്ദങ്ങള്‍ നേരിടേണ്ടി വന്നു. കുടുംബത്തെ കാര്യങ്ങള്‍ പറഞ്ഞ് ബോധ്യപ്പെടുത്താനും ഒരുപാട് ബുദ്ധിമുട്ടി. വേര്‍പിരിയല്‍ ഞങ്ങളുടെ കുഞ്ഞ് എങ്ങിനെ നേരിടും എന്നതായിരുന്നു ഏറ്റവും വലിയ വിഷമം. സമൂഹം എങ്ങിനെ നേരിടും, ഞാന്‍ ഈ അവസ്ഥയെ മറി കടക്കും, വീണ്ടും എനിക്ക് ജോലിയില്‍ സജീവമാകാന്‍ സാധിയ്ക്കുമോ തുടങ്ങിയ ചിന്തകളെല്ലാം എന്റെ തലയിലൂടെ കടന്ന് പോയി. വിതത്തിലെ ഏറ്റവും മോശം സമയമായിരുന്നു അത്. എന്റെ വിവാഹ മോചനം എനിക്ക് ചുറ്റുമുള്ളവരെയും ബാധിയ്ക്കും എന്നതും വലിയ വെല്ലുവിളിയായിരുന്നു. ഞങ്ങള്‍ എന്ന് പറഞ്ഞ് തുടങ്ങിയ ഇടത്ത് നിന്ന് എന്റേത്, നിന്റേത് എന്ന നിലയിലാണ് ഞങ്ങള്‍ ചെന്നു നിന്നത്. വേര്‍പിരിയുക എന്നതല്ലാതെ മറ്റ് മാര്‍ഗ്ഗമില്ല എന്ന് തോന്നിയപ്പോള്‍ ഞങ്ങള്‍ ഒരുമിച്ച് എടുത്ത തീരുമാനമാണ് വിവാഹ മോചനം എന്ന് മൈലക പറഞ്ഞു. വേര്‍പിരിയുക എന്നാല്‍ എല്ലാവര്‍ക്കും വേദനയുള്ള കാര്യം തന്നെയാണ്.ധ്യാനത്തിലൂടെയും യോഗയിലൂടെയുമാണ് ഞാന്‍ എന്റെ സാധാരണ ജീവിതത്തിലേക്ക് തിരിച്ചെത്തിയത് എന്നും മലൈക അറോറ അഭിമുഖത്തില്‍ സംസാരിക്കവെ പറഞ്ഞു.