പ്രവാസി ജീവിതങ്ങളുടെ കഥയുമായി ‘ഉരു’ എത്തുന്നു

എഴുത്തുകാരനും മാധ്യമപ്രവര്‍ത്തകനുമായ ഇ എം അഷറഫ് രചനയും സംവിധാനവും നിര്‍വഹിക്കുന്ന ചിത്രം 'ഉരു' അണിയറയില്‍ ഒരുങ്ങുന്നു. സ്വന്തം നാട്ടിലേക്ക് മടങ്ങിയ ശേഷം പ്രവാസികള്‍ നേരിടേണ്ടി വരുന്ന പ്രതിസന്ധികളെക്കുറിച്ചാണ് സിനിമ പറയുന്നത്. മാമുക്കോയയും സിനിമയില്‍ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. മൂത്താശാരി ആയിട്ടാണ് മാമുക്കോയ ചിത്രത്തില്‍ അഭിനയിക്കുന്നത്. ആല്‍ബര്‍ട്ട് അലക്‌സ്. അനില്‍ ബേബി , അജയ് കല്ലായി , അര്‍ജുന്‍ ,രാജേന്ദ്രന്‍ തായാട്ട് ,ഉബൈദ് മൊഹ്‌സിന് , ഗീതിക ഗിരീഷ് ,ശിവാനി സന്തോഷ് ,ബൈജു ഭാസ്‌കര്‍ ,സാഹിര്‍ പി കെ , മന്‍സൂര്‍ പള്ളൂര്‍ എന്നിവരാണ് മറ്റു നടീനടന്മാര്‍. പ്രഭാവര്‍മ ഗാന രചനയും കമല്‍ പ്രശാന്ത് സംഗീത സംവിധാനവും നിര്‍വഹിച്ചു. ശ്രീകുമാര്‍ പെരുമ്പടവം ഛായാഗ്രഹണം , ഹരി നായര്‍ എഡിറ്റിംഗ്. സാം പ്രൊഡക്ഷന്റെ ബാനറില്‍ മന്‍സൂര്‍ പള്ളൂര്‍ നിര്‍മിച്ച ഉരുവില്‍ എ സാബു ,സുബിന്‍ എടപ്പാകത്തു എന്നിവര്‍ സഹനിര്‍മ്മാതാക്കളാണ്.