‘മംഗലശ്ശേരി നീലകണ്ഠന്‍, പൂവള്ളി ഇന്ദുചൂഡന്‍ അങ്ങനെയൊരു പേര്… വട്ടോളി പദ്മജ; ചിരിയുണര്‍ത്തി ‘പദ്മ’ ടീസര്‍

സുരഭി ലക്ഷ്മി കേന്ദ്ര കഥാപാത്രമാകുന്ന ചിത്രം 'പദ്മ'യുടെ പുതിയ ടീസര്‍ പുറത്തുവിട്ടു. മഞ്ജു വാര്യര്‍, അനൂപ് മേനോന്‍, അജു വര്‍ഗീസ് തുടങ്ങിയവര്‍ ടീസര്‍ സാമൂഹിക മാധ്യമങ്ങളില്‍ പങ്കുവച്ചു. പ്രേക്ഷകരില്‍ ചിരിയുണര്‍ത്തുന്ന പ്രകടനമായാണ് ടീസറില്‍ സുരഭി എത്തിയിരിക്കുന്നത്. സുരഭി ലക്ഷ്മിക്ക് പുറമേ അനൂപ് മേനോന്‍, ശങ്കര്‍ രാമകൃഷ്ണന്‍, മെറീന മൈക്കിള്‍ തുടങ്ങിയ പ്രമുഖ താരങ്ങളും അഭിനയിക്കുന്നുണ്ട്. കഥ, തിരക്കഥ,സംഭാഷണം എന്നിവക്ക് പുറമേ അനൂപ് മേനോന്‍ തന്നെയാണ് ചിത്രത്തിന്റെ സംവിധാനവും. അനൂപ് മേനോന്‍ സ്റ്റോറീസിന്റെ ബാനറിലാണ് ചിത്രം ഒരുങ്ങുന്നത്. മഹാദേവന്‍ തമ്പിയാണ് ചിത്രത്തിന്റെ ഛായാഗ്രഹണം. പ്രൊഡക്ഷന്‍ ഡിസൈനര്‍ ബാദുഷ, കല ദുന്‍ദു രഞ്ജീവ്, എഡിറ്റര്‍ സിയാന്‍ ശ്രീകാന്ത്, സംഗീതം നിനോയ് വര്‍ഗീസ്, പ്രൊഡക്ഷന്‍ കണ്‍ട്രോളര്‍ അനില്‍ ജി, ഡിസൈന്‍ ആന്റണി സ്റ്റീഫന്‍, വാര്‍ത്ത പ്രചരണം പി.ശിവപ്രസാദ് എന്നിവരാണ് അണിയറ പ്രവര്‍ത്തകര്‍.