ഇറ്റലിയില്‍നിന്ന് അമൃത്സറിലെത്തിയ 173 വിമാന യാത്രക്കാര്‍ക്ക് കോവിഡ്

ഇറ്റലിയില്‍നിന്ന് അമൃത്സറിലെത്തിയ 170ലേറെ വിമാന യാത്രക്കാര്‍ക്ക് കോവിഡ് സ്ഥിരീകരിച്ചു. 285 യാത്രക്കാരുമായെത്തിയ ചാര്‍ട്ടേഡ് വിമാനത്തിലെ യാത്രക്കാര്‍ക്കാണ് കോവിഡ് കണ്ടെത്തിയത്. 173 യാത്രക്കാര്‍ക്ക് കോവിഡ് സ്ഥിരീകരിച്ചതായി ശ്രീ ഗുരു രാം ദാസ് ജീ രാജ്യാന്തര വിമാനത്താവളത്തിലെ ഡയറക്ടര്‍ വി.കെ.സേഥ് പറഞ്ഞു. 'ആകെ 285 യാത്രക്കാരാണ് വിമാനത്തില്‍ ഉണ്ടായിരുന്നത്, റോമില്‍ നിന്നാണ് എത്തിയത്. പരിശോധന തുടരുന്നു, രോഗബാധിതരുടെ എണ്ണം ഇനിയും ഉയര്‍ന്നേക്കാം'- വി.കെ.സേഥ് കൂട്ടിച്ചേര്‍ത്തു.ഇതിനു മുന്‍പ് 179 യാത്രക്കാരുമായി ഇറ്റലിയില്‍ നിന്നെത്തിയ ചാര്‍ട്ടേഡ് വിമാനത്തിലെത്തിയ 125 പേര്‍ക്ക് കോവിഡ് സ്ഥിരീകരിച്ചിരുന്നു.