അടുത്ത സിനിമ ടിനു പാപ്പച്ചനൊപ്പം; കാത്തിരിക്കുകയാണെന്ന് ജയസൂര്യ

അജഗജാന്തരത്തിന് ശേഷം ടിനു പാപ്പച്ചന്‍ സംവിധാനം ചെയ്യുന്ന ചിത്രത്തില്‍ ജയസൂര്യ നായകനാകും. ജയസൂര്യ തന്നെയാണ് ഇക്കാര്യം സാമൂഹിക മാധ്യമങ്ങളിലൂടെ അറിയിച്ചത്. ടിനു പാപ്പച്ചനൊപ്പം പ്രവര്‍ത്തിക്കാന്‍ കാത്തിരിക്കുകയാണെന്ന് ടിനു പാപ്പച്ചനും നടന്‍ അരുണ്‍ നാരായണനും ഒപ്പമുള്ള ചിത്രം പങ്കുവച്ച് ജയസൂര്യ ഇന്‍സ്റ്റാഗ്രാമില്‍ കുറിച്ചു. എന്നാല്‍ സിനിമയെക്കുറിച്ചുള്ള കൂടുല്‍ വിവരങ്ങള്‍ താരം പുറത്തുവിട്ടിട്ടില്ല. ടിനു പാപ്പച്ചന്റെ 'അജഗജാന്തരം' മികച്ച പ്രതികരണങ്ങളോടെ പ്രദര്‍ശനം തുടരുകയാണ്. ഒരു ഉത്സവ പറമ്പിലേക്ക് ഒരു ആനയും പാപ്പാനും ഇറങ്ങുന്നതും തുടര്‍ന്ന് നടക്കുന്ന സംഭവങ്ങളുമാണ് സിനമയിലൊരിക്കിയിരിക്കുന്നത്. 'സ്വാതന്ത്ര്യം അര്‍ദ്ധരാത്രിയില്‍' ആണ് ടിനു പാപ്പച്ചന്‍ സംവിധാനത്തില്‍ ഒരുങ്ങിയി മറ്റൊരു ചിത്രം. ലിജോ ജോസ് പെല്ലിശ്ശേരി സംവിധാനം ചെയ്ത ചിത്രം ജെല്ലിക്കെട്ടിന്റെ സഹസംവിധായകന്‍ കൂടിയായിരുന്നു ടിനു പാപ്പച്ചന്‍. നാദിര്‍ സംവിധാനം ചെയ്യുന്ന ഈശോയാണ് ജയസൂര്യയുടെ റിലീസ് ചെയ്യാനിരിക്കുന്ന ചിത്രങ്ങളില്‍ ഒന്ന്. നവാഗതനായ അഭിജിത്ത് ജോസഫ് സംവിധാനം ചെയ്യുന്ന ജോണ്‍ ലൂദര്‍, റോജിന്‍ തോമസ് സംവിധാനം ചെയ്യുന്ന കത്തനാര്‍ തുടങ്ങിയ ചിത്രങ്ങളാണ് ജയസൂര്യയുടെതായി അണിയറയില്‍ ഒരുങ്ങുന്നത്.