‘ഒരു കുറി തൊട്ടപ്പോള്‍ ഫോട്ടോ വൈറല്‍’; മമ്മൂട്ടിയെ സേതുരാമയ്യര്‍ ആക്കിയ ആരാധകന്‍

സിബിഐ അഞ്ചാം ഭാഗത്തിലേത് എന്ന പേരില്‍ ഒരു ചിത്രം സോഷ്യല്‍ മീഡിയയില്‍ വൈറലായിരിക്കുകയാണ്. മമ്മൂട്ടി ഒരു ചന്ദനക്കുറി തൊട്ട് നില്‍ക്കുന്ന ചിത്രം ആരാധകര്‍ വലിയ ആവേശത്തോടെ ഏറ്റെടുക്കകയും ചെയ്തു. ഇപ്പോഴിതാ ചിത്രം എഡിറ്റ് ചെയ്ത വ്യക്തി തന്നെ വൈറല്‍ ഫോട്ടോയെക്കുറിച്ച് പ്രതികരണവുമായി എത്തിയിരിക്കുകയാണ്. ജോബി ജോബിന്‍ ജോസഫ് എന്ന വ്യക്തിയാണ് ഫോട്ടോ എഡിറ്റ് ചെയ്തത്. 'ഒരു കുറി തൊട്ടപ്പോള്‍ ഫോട്ടോ വൈറല്‍' എന്ന് ചിത്രത്തെക്കുറിച്ച് ജോബിന്‍ പറയുന്നു. ഫേസ്ബുക്കിലൂടെയാണ് ജോബിന്റെ പ്രതികരണം. അതേസമയം സിബിഐ അഞ്ചാം ഭാഗത്തിന്റെ ചിത്രീകരണം പുരോഗമിക്കുകയാണ്. 1988ല്‍ പുറത്തിറങ്ങിയ ഒരു സിബിഐ ഡയറികുറിപ്പ് എന്ന ചിത്രത്തിലൂടെയാണ് സിബിഐ സീരീസ് ആരംഭിച്ചത്. തുടര്‍ന്ന് ജാഗ്രത, സേതുരാമയ്യര്‍ സിബിഐ, നേരറിയാന്‍ സിബിഐ തുടങ്ങിയ സിനിമകളും ഈ സീരീസിലേതായി പുറത്തിറങ്ങി. സേതുരാമയ്യര്‍ എന്ന സിബിഐ ഉദ്യോഗസ്ഥനും അദ്ദേഹം അന്വേഷിക്കുന്ന കേസുകളും സിനിമകളുടെ പ്രമേയം. സിബിഐ സംഘത്തിലെ ചാക്കോയായി മുകേഷ് വീണ്ടുമെത്തുന്നുണ്ട്. രഞ്ജി പണിക്കര്‍, അനൂപ് മേനോന്‍, സായികുമാര്‍, സൗബിന്‍ ഷാഹിര്‍, ദിലീഷ് പോത്തന്‍, പ്രശാന്ത് അലക്‌സാണ്ടര്‍, രമേശ് പിഷാരടി, ജയകൃഷ്ണന്‍, സുദേവ് നായര്‍, അസീസ് നെടുമങ്ങാട്, സന്തോഷ് കീഴാറ്റൂര്‍, ഇടവേള ബാബു, കോട്ടയം രമേശ്, മുകേഷ്, സുരേഷ് കുമാര്‍, തന്തൂര്‍ കൃഷ്ണന്‍, ആശാ ശരത്ത്, അന്നാ രേഷ്മ രാജന്‍, അന്‍സിബ ഹസന്‍, മാളവിക മേനോന്‍, മാളവിക നായര്‍, സ്വാസിക എന്നിവരാണ് മറ്റു പ്രധാന അഭിനേതാക്കള്‍.