എ ആര്‍ റഹ്മാന്റെ മകള്‍ ഖദീജ വിവാഹിതയാകുന്നു

സംഗീത സംവിധായകന്‍ എ ആര്‍ റഹ്മാന്റെ മകള്‍ ഖദീജ റഹ്മാന്‍ വിവാഹിതയാകുന്നു. റിയാസദ്ദീന്‍ ഷെയ്ഖ് മുഹമ്മദ് ആണ് വരന്‍. ഖദീജ തന്നെയാണ് ഇക്കാര്യം സമൂഹ മാധ്യമങ്ങളിലൂടെ അറിയിച്ചത്. കഴിഞ്ഞ മാസം 29നായിരുന്നു ഇരുവരുടെയും വിവാഹ നിശ്ചയം നടന്നത്. അടുത്ത സുഹൃത്തുക്കളും ബന്ധുക്കളും മാത്രമായിരുന്നു ചടങ്ങില്‍ സന്നിഹിതരായിരുന്നത്. രജനികാന്ത് നായകനായ എന്തിരനിലെ പുതിയ മനിതാ എന്ന ഗാനം ആലപിച്ചാണ് ഖദീജ പിന്നണി ഗാനരംഗത്തേക്ക് എത്തുന്നത്. ഖദീജ ഒരുക്കിയ ഫാരിഷ്ടണ്‍ എന്ന വീഡിയോയ്ക്ക് മികച്ച അനിമേറ്റഡ് സംഗീത വീഡിയോക്കുള്ള ഇന്റര്‍നാഷ്ണല്‍ സൗണ്ട് ഫ്യൂച്ചര്‍ പുരസ്‌കാരം ലഭിച്ചിരുന്നു. റഹ്മാന്‍ തന്നെയായിരുന്ന സംഗീത സംവിധാനവും നിര്‍മാണവും നിര്‍വഹിച്ചത്. കഴിഞ്ഞ വര്‍ഷം ഒക്ടോബറിലായിരുന്നു ആല്‍ബം പുറത്തിറങ്ങിയത്. തീര്‍ത്ഥാടകയായ പെണ്‍കുട്ടി പ്രാര്‍ഥന നടത്തുന്നതാണ് ആല്‍ബത്തില്‍ ചിത്രീകരിച്ചിരിക്കുന്നത്. വൈവിധ്യങ്ങളെ അംഗീകരിക്കുന്നതിനെക്കുറിച്ചും വ്യത്യാസങ്ങളുമായി പെരുത്തപ്പെടുന്നതും വീഡിയോയില്‍ ചിത്രീകരിക്കുന്നു.