ദീപാലങ്കാരങ്ങള്‍, കരിമരുന്ന്…; പുതുവര്‍ഷത്തെ സന്തോഷത്തോടെ വരവേറ്റ് ന്യൂസിലന്‍ഡ്

ഓക്ലന്‍ഡ് പ്രതീക്ഷകളുടെ 2022ന് സ്വാഗതമേകി ന്യൂസിലന്‍ഡിലെ ഓക്ലന്‍ഡ്. ഓക്ലന്‍ഡ് ഹാര്‍ബര്‍ ബ്രിജിലെ സ്‌കൈ ടവറില്‍ ജനം പുതുവര്‍ഷത്തെ സ്വാഗതം ചെയ്തു. വര്‍ണാഭമായ ദീപാലങ്കാരങ്ങളും കരിമരുന്ന് പ്രകടനങ്ങളുമായാണ് ഓക്ലന്‍ഡ് പുതുവര്‍ഷത്തെ വരവേല്‍ക്കുന്നത്. ഓക്ലന്‍ഡില്‍ ഒരാള്‍ക്ക് ഒമിക്രോണ്‍ സ്ഥിരീകരിച്ചതിനെ തുടര്‍ന്ന് അതീവ ജാഗ്രതയിലാണു പ്രദേശം. ലോകത്ത് ഏറ്റവും ആദ്യം പുതുവര്‍ഷം എത്തുന്നത് ന്യൂസിലന്‍ഡിലാണ്. ഒമിക്രോണ്‍ കേസുകള്‍ ആശങ്ക സൃഷ്ടിക്കാത്തതിനാല്‍ കടുത്ത നിയന്ത്രണങ്ങളിലേക്ക് പോകേണ്ടതില്ലെന്ന് ന്യൂസിലന്‍ഡ് തീരുമാനിക്കുകയായിരുന്നു. എന്നാല്‍ ഇന്ത്യയുള്‍പ്പെടെയുള്ള രാജ്യങ്ങളില്‍ പുതുവര്‍ഷാഘോഷങ്ങള്‍ക്ക് നിയന്ത്രണങ്ങള്‍ ഏര്‍പ്പെടുത്തിയിട്ടുണ്ട്.