തമിഴ്‌നാട്ടിലും കര്‍ണാടകയിലും നേരിയ ഭൂചലനം

തമിഴ്‌നാട്ടിലും കര്‍ണാടകയിലും നേരിയ ഭൂചലനം അനുഭവപ്പെട്ടു. തമിഴ്‌നാട്ടിലെ വെല്ലൂരില്‍ 3.5 തീവ്രത രേഖപ്പെടുത്തിയ ഭൂചലനമാണുണ്ടായത്. വെല്ലൂര്‍ ജില്ലയിലെ പശ്ചിമ മേഖലയിലാണ് ഭൂമികുലുക്കം റിപ്പോര്‍ട്ട് ചെയ്തിരിക്കുന്നത്. കര്‍ണാടകയിലെ ചിക്ബല്ലാപൂരില്‍ 3.6 തീവ്രത രേഖപ്പെടുത്തി. എവിടെയും ആളപായമില്ല. കഴിഞ്ഞ ദിവസവും കര്‍ണാടകയിലെ ചിക്ബല്ലാപൂര്‍ മേഖലയില്‍ ഭൂചലനം ഉണ്ടായിരുന്നു. കഴിഞ്ഞ ദിവസം ചിക്ബല്ലാപൂരില്‍ റിക്ട സ്‌കെയില്‍ 2.9, 3.0 എന്ന് നിലയില്‍ നേരിയ ഭൂചലനങ്ങള്‍ റിപ്പോര്‍ട്ട് ചെയ്തിരുന്നു. വെല്ലൂരില്‍ അടുത്തിടെ ഇത് രണ്ടാം തവണയാണ് ഭൂചലനം റിപ്പോര്‍ട്ട് ചെയ്യുന്നത്. നവംബര്‍ 29ന് പുലര്‍ച്ചെയുണ്ടായ ഭൂമികലുക്കത്തില്‍ 3.6 തീവ്രത രേഖപ്പെടുത്തിയിരുന്നു.