‘ബിഗ് ബി ഡയലോഗ് + ബിജിഎം അത് പൊളിച്ച്’; ‘കുഞ്ഞെല്‍ദോ’ പുതിയ ടീസര്‍

മാത്തുക്കുട്ടിയുടെ സംവിധാനത്തില്‍ ആസിഫ് അലി നായകനാവുന്ന ചിത്രം 'കുഞ്ഞെല്‍ദോ'യുടെ മൂന്നാം ടീസര്‍ പ്രേക്ഷക പ്രീതി നേടുന്നു. മുന്‍പ് ഇറങ്ങിയ ടീസറില്‍ മോഹന്‍ലാല്‍ കഥാപാത്രത്തിലൂടെയായിരുന്നു ഡയലോഗ് എങ്കില്‍ ഇത്തവണ അത് 'ബിഗ് ബി'യിലെ മമ്മൂട്ടിയിലൂടെയാണ്. 'ബിഗ് ബി'യിലെ ബിലാലിന്റെ ഡയലോഗ് സ്‌റ്റൈലിലും ബാക്ഗ്രൗണ്ടിലുമാണ് പുതിയ ടീസര്‍ തുടങ്ങുന്നത്. ടീസര്‍ കഴിഞ്ഞ ദിവസം ആസിഫ് അലി പങ്കു വച്ചിരുന്നു. കോളേജ് പശ്ചാത്തലത്തില്‍ ഒരുങ്ങുന്ന 'കുഞ്ഞെല്‍ദോ' ഡിസംബര്‍ 24ന് റിലീസിനെത്തും. ആര്‍ ജെ മാത്തുക്കുട്ടി ആദ്യമായി സംവിധായകനാകുന്ന ചിത്രം കൂടിയാണ്. വിനീത് ശ്രീനിവാസന്‍ ക്രിയേറ്റീവ് ഡയറക്ടറായും എത്തുന്നു. ചിത്രത്തില്‍ പുതുമുഖം ഗോപിക ഉദയനാണ് നായികയാവുന്നത്. സുധീഷ്, സിദ്ധിഖ്, അര്‍ജ്ജുന്‍ ഗോപാല്‍, നിസ്താര്‍ സേട്ട്, രാജേഷ് ശര്‍മ്മ, കോട്ടയം പ്രദീപ്, മിഥുന്‍ എം ദാസ്, കൃതിക പ്രദീപ് തുടങ്ങിയവരാണ് മറ്റു താരങ്ങള്‍.'കല്‍ക്കി' ക്കു ശേഷം ലിറ്റില്‍ ബിഗ് ഫിലിസിന്റെ ബാനറില്‍ പ്രശോഭ് കൃഷ്ണയും സുവിന്‍ വര്‍ക്കിയും ചേര്‍ന്നാണ് കുഞ്ഞെല്‍ദോ നിര്‍മിക്കുന്നത്. സ്വരൂപ് ഫിലിപ്പാണ് ഛായാഗ്രഹണം. രഞ്ജന്‍ എബ്രഹാം ആണ് ചിത്രസംയോജനം. സന്തോഷ് വര്‍മ്മ, അശ്വതി ശ്രീകാന്ത് എന്നിവരുടെ വരികള്‍ക്ക് ഷാന്‍ റഹ്മാന്‍ സംഗീതം പകരുന്നു. രഞ്ജന്‍ അബ്രഹാമാണ് എഡിറ്റിങ് നിര്‍വഹിക്കുന്നത്.