നെട്രികണ്ണിന് പിന്നാലെ നയന്‍താരയുടെ ഓക്‌സിജനും ഒടിടിയിലേക്ക്?

തെന്നിന്ത്യന്‍ നടി നയന്‍താരയുടെ പുതിയ ചിത്രം ഓക്‌സിജന്‍ ഒടിടി റിലീസിന് ഒരുങ്ങുന്നതായി റിപ്പോര്‍ട്ടുകള്‍. ഒരു പ്രമുഖ ഒടിടി പ്ലാറ്റ്ഫോം സിനിമയുടെ നിര്‍മ്മാതാക്കളെ ബന്ധപ്പെട്ടു എന്നും ഇരുകൂട്ടരും തമ്മില്‍ ചര്‍ച്ചകള്‍ നടക്കുകയാണെന്നും ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു. എന്നാല്‍ ഔദ്യോഗികമായ അറിയിപ്പുകള്‍ ഒന്നും വന്നിട്ടില്ല. വെങ്കട് പ്രഭുവിന്റെ അസ്സോസിയേറ്റ് ആയി പ്രവര്‍ത്തിച്ചിട്ടുള്ള ജികെ വിഘ്നേശാണ് ചിത്രം സംവിധാനം ചെയ്യുന്നത്. സിനിമയുടെ പോസ്റ്റ് പ്രൊഡക്ഷന്‍ വര്‍ക്കുകള്‍ പുരോഗമിക്കുകയാണ്. അതേസമയം വിഘ്‌നേശ് ശിവന്‍ സംവിധാനം ചെയ്യുന്ന 'കാതുവാക്കുള രണ്ടു കാതല്‍', അല്‍ഫോന്‍സ് പുത്രന്റെ 'ഗോള്‍ഡ്' എന്നീ ചിത്രങ്ങളാണ് നടിയുടേതായി അണിയറയില്‍ ഒരുങ്ങുന്നത്. വിഘ്നേശ് ചിത്രത്തില്‍ കണ്‍മണി എന്ന കഥാപാത്രമാണ് നയന്‍താരയുടേത്.വിഘ്‌നേശ് ശിവനും നയന്‍താരയും ചേര്‍ന്ന് റൗഡി പിക്‌ചേഴ്‌സിന്റെ ബാനറിലാണ് ചിത്രം നിര്‍മിക്കുന്നത്. വിഘ്‌നേശ് ശിവന്‍ തന്നെയാണ്ചി ത്രത്തിന്റെ തിരക്കഥയൊരുക്കിയിരിക്കുന്നത്.