ജെയിംസ് ബോണ്ട് പ്രേമികള്‍ക്ക് സന്തോഷ വാര്‍ത്തയുമായി ആമസോണ്‍ പ്രൈം

ലോക പ്രേക്ഷകരെ കീഴടക്കിയ, ഹോളിവുഡിന്റെ തന്നെ അഭിമാന ചിത്രമായി മാറിയ 'ജെയിംസ് ബോണ്ടി'ന്റെ എല്ലാ കഥകളും ആമസോണ്‍ പ്രൈമിലൂടെ ഇനി ലഭ്യമാകും. 1962 ല്‍ റിലീസ് ചെയ്ത ആദ്യ ജയിംസ് ബോണ്ട് ചിത്രം 'ഡോ. നോ' മുതല്‍ 2015 ല്‍ പുറത്തിറങ്ങിയ 'സ്‌പെക്ട്രെ' വരെയുള്ള 23 ചിത്രങ്ങളാണ് പ്രദര്‍ശിപ്പിക്കാന്‍ തീരുമാനിച്ചിരിക്കുന്നത്. ഡിസംബര്‍ 18 മുതലാണ് ആമസോണ്‍ പ്രൈം വഴി റിലീസ് ചെയ്യുന്നത്. എംജിഎം സ്റ്റുഡിയോസ് ആമസോണ്‍ ഏറ്റെടുത്തതോടെയാണ് ജെയിംസ് ബോണ്ട് സിനിമകള്‍ ഒടിടിയില്‍ പ്രദര്‍ശിപ്പിക്കാന്‍ തീരുമാനിച്ചത്. 1962ല്‍ ഷോണ്‍ കോണറി നായകനായെത്തിയ ' ഡോ. നോ', 1963ല്‍ പുറത്തിറങ്ങിയ 'ഫ്രം റഷ്യ വിത് ലൗവ്', 1965ലെ 'തണ്ടര്‍ബോള്‍',1964ല്‍ പുറത്തിറങ്ങിയ 'ഗോള്‍ഡ്ഫിംഗര്‍', 1967ലെ 'യു ഒണ്‍ലി ലീവ് ടൈ്വസ്', 1969ല്‍ ജോര്‍ജ് ലാസെന്‍ബി നായകനായി എത്തിയ 'ഓണ്‍ ഹെയര്‍ മജെസ്റ്റിസ് സീക്രട്ട് സെര്‍വിസ്', 1971ല്‍ ഷോണ്‍ കോണറി പ്രധാന വേഷത്തിലെത്തിയ 'ഡൈമണ്ട്‌സ് ആര്‍ ഫോര്‍എവര്‍', റോജര്‍ മൂര്‍ നായകനായി എത്തി 1973ല്‍ പുറത്തിറങ്ങിയ 'ലിവ് ആന്‍ഡ് ലെറ്റ് ഡൈ', 1974ല്‍ 'ദ് മാന്‍ വിത്ത് ദ് ഗോള്‍ഡന്‍ ഗണ്‍', റോജര്‍ മൂറിന്റെ 'ദ് സ്‌പൈ ഹു ലവ്ഡ് മി', 1979ലെ 'മൂണ്‍റാകെര്‍', 1981ലെ 'ഫോര്‍ യുവര്‍ ഐസ് ഒണ്‍ലി', 1985ലെ 'എ വ്യൂ ടു എ കില്‍', 1987ല്‍ ഇറങ്ങിയ തിമോത്തി ഡാള്‍ടന്‍ നായകനായ 'ദ് ലിവിങ് ഡേലൈറ്റ്‌സ്', 1989ലെ 'ലൈസന്‍ട് ടു കില്‍', പിയേഴ്‌സ് ബ്രോസ്‌നന്‍ നായകനായി 1995ല്‍ പുറത്തിറങ്ങിയ 'ഗോള്‍ഡന്‍ ഐ', പിയേഴ്‌സ് ബ്രോസ്‌നന്റെ 1997ലെ 'ടുമോറോ നെവര്‍ ഡൈസ്', 1999ലെ 'ദ് വേള്‍ഡ് ഈ നോട്ട് ഇനഫ്', 2002ല്‍ പുറത്തിറങ്ങിയ 'ഡൈ അനദര്‍ ഡേ', ഡാനിയല്‍ ക്രെയ്ഗ് നായകനായി 2006ല്‍ പുറത്തിറങ്ങിയ 'കാസിനോ റോയലെ',2008ലെ 'ക്വാണ്ടം ഓഫ് സൊലാസ്', 2012ലെ 'സ്‌കൈഫാള്‍', 2015ല്‍ അവസാനമായി പുറത്തിറങ്ങിയ 'സ്‌പെക്ട്രെ' എന്നെ ചിത്രങ്ങളാണ് ഇനി ആമസോണ്‍ പ്രൈമില്‍ ഉണ്ടാകുക