ബിജെപി രാജ്യത്തെ ഭരണഘടനാ മുല്യങ്ങള്‍ തകര്‍ക്കാന്‍ ശ്രമിക്കുന്നു: മുഖ്യമന്ത്രി

ബിജെപി ഭരിക്കുന്ന കേന്ദ്ര സര്‍ക്കാര്‍ രാജ്യത്ത ഭരണഘടനാ മൂല്യങ്ങളെ തകര്‍ക്കാന്‍ ശ്രമിക്കുകയാണെന്ന് മുഖ്യമന്ത്രി പിണറായി വിജയന്‍ പറഞ്ഞു പഴയങ്ങാടി എരിപുരത്ത് സിപിഎം കണ്ണൂര്‍ ജില്ലാ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കോര്‍പറേറ്റുകള്‍ക്കു വേണ്ടിയാണ് കേന്ദ്ര സര്‍ക്കാര്‍ ഭരണം നടത്തുന്നത്. പെട്രോള്‍, ഡീസല്‍ വില വര്‍ധനവ് നൂറിനു മുകളില്‍ വര്‍ധിപിച്ചത് ഇതിന്റെ ഭാഗമാണ് പൊതുമേഖലാ സ്ഥാപനങ്ങള്‍ വിറ്റു തുലയ്ക്കുകയാണ് കര്‍ഷക സമരം ഇത്തരം നിലപാടുകള്‍ക്കെതിരെയുള്ള വിജയമാണ് കര്‍ഷക സമരത്തിന് മുന്‍പില്‍ ബിജെപി സര്‍ക്കാരിന് മുട്ടുമടയ്‌കേണ്ടി വന്നു. രാജ്യത്തെ തൊഴിലാളികളും കര്‍ഷകര്‍ക്കു പിന്നാലെ സമരത്തിലാണെന്നും മുഖ്യമന്ത്രി പറഞ്ഞു. ദേശീയ രാഷ്ട്രീയത്തില്‍ ബി.ജെ.പിയെ പിന്‍തുണയ്ക്കുകയാണ് കോണ്‍ഗ്രസ്. ബിജെപിക്ക് ബദലായി കോണ്‍ഗ്രസിനെ ജനങ്ങള്‍ അംഗീകരിക്കുന്നില്ല അതുകൊണ്ടാണ് തമിഴ് നാട്ടില്‍ ഡിഎംകെ കൂടുതല്‍ സീറ്റ് കോണ്‍ഗ്രസിന് നല്‍കാതിരുന്നത്. കോണ്‍ഗ്രസിന് ബദലായി പ്രാദേശിക ജനാധിപത്യ പാര്‍ട്ടികളെയും കൂട്ടിയിണക്കി ഇടതുപക്ഷം മുന്‍പോട്ടു പോകുമെന്നും മുഖ്യമന്ത്രി പറഞ്ഞു