സിപിഎം ജില്ലാ സമ്മേളനങ്ങള്‍ക്ക് കണ്ണൂരില്‍ തുടക്കം

കണ്ണൂര്‍: സിപിഎം ജില്ലാ സമ്മേളനങ്ങള്‍ക്ക് ഇന്ന് തുടക്കമായി, . പാർടി കോൺഗ്രസിന്‌ വേദിയാകുന്ന കണ്ണൂരിലാണ്‌ ആദ്യ സമ്മേളനം. കെ കുഞ്ഞപ്പ–പി വാസുദേവൻ നഗറിൽ (-മാടായി കോ ഓപ്പറേറ്റീവ്‌ റൂറൽ ബാങ്ക്‌ ഓഡിറ്റോറിയം) വെള്ളി രാവിലെ 10ന്‌ പൊളിറ്റ്‌ ബ്യൂറോ അംഗം പിണറായി വിജയൻ ഉദ്‌ഘാടനംചെയ്തു . സംസ്ഥാന സമ്മേളനത്തിന്‌ വേദിയാകുന്ന എറണാകുളത്തിനൊപ്പം വയനാട്ടിലും 14ന്‌ സമ്മേളനം ആരംഭിക്കും. ആലപ്പുഴയിലാണ്‌ അവസാന ജില്ലാ സമ്മേളനം. ജനുവരി 28 മുതൽ 30വരെ. സംസ്ഥാന സമ്മേളനം മാർച്ച്‌ ഒന്നുമുതൽ നാലുവരെയാണ്‌. ഏപ്രിലിലാണ്‌ കണ്ണൂരിൽ പാർടി കോൺഗ്രസ്‌. കണ്ണൂരില്‍ പൂര്‍ണ്ണമായും മറ്റ് ജില്ലകളില്‍ 70 ശതമാനവും ഏരിയാ സമ്മേളനങ്ങള്‍ പൂര്‍ത്തിയാകുമ്പോഴാണ് ജില്ലാ സമ്മേളനങ്ങള്‍ ആരംഭിക്കുന്നത്. 1951 വനിതാ ബ്രാഞ്ച് സെക്രട്ടറിമാരില്‍ തുടങ്ങി ലോക്കല്‍, ഏരിയാ കമ്മിറ്റികളിലും വനിതാ സെക്രട്ടറിമാരുണ്ട്. ജില്ലാ നേതൃത്വങ്ങളില്‍ വനിതകളെ സെക്രട്ടറിയാക്കിയാല്‍ കേരളത്തിലെ പാര്‍ട്ടിയില്‍ അത് ചരിത്രമാകും. 75 പിന്നിട്ട പ്രമുഖരുടെ നിര 14 ജില്ലകളിലുമുണ്ട്. ഇവര്‍ക്ക് ഇളവുണ്ടാകില്ലെന്ന സൂചന നേതൃത്വം നല്‍കിക്കഴിഞ്ഞു. പൊളിറ്റ് ബ്യൂറോ, കേന്ദ്രകമ്മിറ്റിയംഗങ്ങളെ രണ്ട് സംഘങ്ങളാക്കി തിരിച്ചാകും സമ്മേളനങ്ങളില്‍ നേതൃത്വത്തിന്റെ മേല്‍നോട്ടം.