പാരീസോ സിംഗപ്പൂരോ അല്ല; ലോകത്ത് ഏറ്റവും ചെലവ് കൂടുതല്‍

ലോകത്തില്‍ ജീവിക്കാന്‍ ഏറ്റവും ചെലവേറിയ രാജ്യമായി ഇത്തവണ തെരഞ്ഞെടുക്കപ്പെട്ടത് ഇസ്രായേല്‍ നഗരമായ തെല്‍ അവീവിനെ. ആദ്യമായാണ് തെല്‍ അവീവ് പട്ടികയില്‍ ഒന്നാമതെത്തുന്നത്. ലോകത്തിലെ 173 നഗരങ്ങളിലെ ചെലവ് യുഎസ് ഡോളറുമായി താരതമ്യം ചെയ്താണ് നഗരങ്ങളുടെ ജീവിതച്ചെലവ് സൂചിക തയ്യാറാക്കുന്നത്. പട്ടികയില്‍ രണ്ടാം സ്ഥാനത്തുള്ളത് പാരീസ്, സിംഗപ്പൂര്‍ എന്നീ രണ്ട് നഗരങ്ങളാണ്. സുരിച്, ഹോങ് കോങ് എന്നീ നഗരങ്ങളാണ് നാലും അഞ്ചും സ്ഥാനത്ത്. ന്യൂയോര്‍ക്ക് ആറാം സ്ഥാനത്താണ്. ജനീവയാണ് ഏഴാം സ്ഥാനത്ത്. കോപന്‍ഹേഗന്‍, ലോസ് ആഞ്ചലസ്, ഒസാക്ക, ജപ്പാന്‍ എന്നിവയും പട്ടികയിലെ ആദ്യ പത്ത് നിരകളില്‍ ഉള്‍പ്പെട്ടു. സിറിയന്‍ തലസ്ഥാനമായ ഡമാസ്‌കസ് ആണ് ജീവിതച്ചെലവ് ഏറ്റവും കുറഞ്ഞ രാജ്യം. കഴിഞ്ഞ വര്‍ഷം പാരീസ്, സുരിച്, ഹോങ് കോങ് എന്നീ മൂന്ന് രാജ്യങ്ങളായിരുന്നു ചെലവേറിയ നഗരങ്ങളുടെ പട്ടികയില്‍ ഒന്നാം സ്ഥാനത്ത്. കൊവിഡ് വ്യാപനം ഉണ്ടാക്കിയ പ്രതിസന്ധി ലോകമെമ്പാടുമുള്ള നഗരങ്ങളിലേക്കുള്ള കയറ്റുമതിയെ തടസ്സപ്പെടുത്തുകയും ഇത് വിലക്കയറ്റത്തിന് കാരണമാവുകയും ചെയ്തിട്ടുണ്ട്.