ജറുസലേമില്‍ വെടിവെപ്പ്; ഒരു ഇസ്രായേല്‍ സിവിലിയന്‍ കൊല്ലപ്പെട്ടു; ആക്രമിയെ വെടിവെച്ച് കൊന്നു

ജറുസലേമില്‍ ഹമാസ് അനുഭാവി നടത്തിയ വെടിവെപ്പില്‍ ഒരു ഇസ്രായേലി സിവിലിയന്‍ കൊല്ലപ്പെട്ടു. നാല് പേര്‍ക്ക് പരിക്കേറ്റു. ഇതില്‍ രണ്ട് പേര്‍ക്ക് ?ഗുരുതര പരിക്കുണ്ട്. ആക്രമിയെ സംഭവ സ്ഥലത്ത് വെച്ച് തന്നെ ഇസ്രായേല്‍ പൊലീസ് വെടിവെച്ചു കൊന്നു. എലിയാഹു ഡാവിഡ് കെയ് എന്ന 26 കാരനാണ് ആക്രമിയുടെ വെടിവെപ്പില്‍ കൊല്ലപ്പെട്ടത്. സൗത്ത് ആഫ്രിക്കയില്‍ നിന്നും ഇസ്രായേലിലേക്ക് കുടിയേറിയ ഇദ്ദേഹം വെസ്റ്റേണ്‍ വാളില്‍ ?ഗൈഡ് ആയി ജോലി ചെയ്യുകയായിരുന്നു. ആറു മാസത്തിനു ശേഷം ആ?ദ്യമായാണ് പാലസ്തീനിയന്‍ ആക്രമണത്തില്‍ ഒരു ഇസ്രായേലി സിവിലിയന്‍ കൊല്ലപ്പെടുന്നത്. ഫാദി അബു എന്നായാളാണ് ആക്രമണം നടത്തിയത്. കിഴക്കന്‍ ജറുസലേമിലെ ഷുഅഫത് അഭയാര്‍ത്ഥി ക്യാമ്പിലെ ഹമാസ് നേതാവാണ് ഇയാള്‍. ജറുസലേം ഓള്‍ഡ് സിറ്റിയില്‍ തോക്കുമായെത്തിയ ഇയാള്‍ മൂന്ന് ഇസ്രായേലികള്‍ക്കെതിരെ വെടിയുതിര്‍ക്കുകയായിരുന്നു. ആക്രമണത്തിനു പിന്നാലെ ഇയാളെ പ്രകീര്‍ത്തിച്ച് ?ഹമാസ് രം?ഗത്തെത്തി. ധീരമായ പ്രവൃത്തിയാണിതെന്നും ആക്രമി തങ്ങളുടെ അം?ഗമാണെന്നും ഹമാസ് പ്രസ്താവനയിറക്കി.