ഈ ശൈത്യകാലത്ത് യുകെയിൽ കോവിഡ് കേസുകൾ കുത്തനെ കൂടാൻ സാധ്യതയില്ലെന്ന് വിദഗ്ദ്ധർ പറയുന്നു

മറ്റു യൂറോപ്യൻ രാജ്യങ്ങളിലേതുപോലെ ഈ ശൈത്യകാലത്ത് യുകെയിലും കോവിഡ് നിരക്ക് ഉയരാൻ സാധ്യതയില്ല എന്ന് ഓക്‌സ്‌ഫോർഡ് ആസ്ട്രസെനെക്ക വാക്സിന്റെ പിന്നിലെ ഒരു പ്രധാന വ്യക്തി പറഞ്ഞു. മറ്റ് യൂറോപ്യൻ രാജ്യങ്ങളിൽ രേഖപ്പെടുത്തിയിരിക്കുന്ന കോവിഡ് കേസുകളിലെ കുത്തനെയുള്ള ഉയർച്ച യുകെയിൽ കാണാനുള്ള സാധ്യത കുറവാണെന്ന് പ്രൊഫസർ ആൻഡ്രൂ പൊള്ളാർഡ് ആണ് അഭിപ്രായപ്പെട്ടത് . നെതർലാൻഡ്‌സിലെ നിയന്ത്രണങ്ങൾ അക്രമാസക്തമായ പ്രതിഷേധങ്ങൾക്ക് കാരണമായതിന് ശേഷം യുകെയിലെ ശൈത്യകാല ലോക്ക്ഡൗണിനെക്കുറിച്ചുള്ള ഭയം വേണ്ട എന്ന് സൂചിപ്പിക്കുന്നതിയിരുന്നു അദ്ദേഹത്തിന്റെ വാക്കുകൾ . എന്നാൽ യുകെയിൽ കേസുകൾ ഇതിനകം തന്നെ വളരെ കൂടുതലായതിനാലും വരാനിരിക്കുന്ന ദശാബ്ദങ്ങളിലും കോവിഡ് നമ്മോടൊപ്പമുണ്ടാകുമെന്ന് അദ്ദേഹം മുന്നറിയിപ്പ് നൽകി. അതേസമയം, യുകെയിൽ കോവിഡ് ഇതിനകം വീണ്ടും വർദ്ധിച്ചുകൊണ്ടിരിക്കുന്ന സാഹചര്യത്തിലാണ് പ്രൊഫസർ ആൻഡ്രൂവിന്റെ അഭിപ്രായങ്ങൾ വരുന്നത്, ഒരാഴ്ചയ്ക്കുള്ളിൽ കേസുകൾ 10.7% വർദ്ധിച്ചു.