കോണ്‍ഗ്രസ് നേതാക്കളുടെ മര്‍ദനത്തിന് ഇരയായ മാധ്യമ പ്രവര്‍ത്തകര്‍ക്കെതിരെ കേസ്

കോഴിക്കോട് കോണ്‍ഗ്രസ് നേതാക്കളുടെ മര്‍ദനത്തിന് ഇരയായ മാധ്യമ പ്രവര്‍ത്തകര്‍ക്കെതിരെ കേസെടുത്തു. കോടതി നിര്‍ദേശപ്രകാരം കസബ പൊലീസാണ് കേസെടുത്തത്. രാമനാട്ടുകര നഗരസഭാ ചെയര്‍മാന്‍ സുരേഷ് കീച്ചമ്പ്രയുടെ മകള്‍ നല്‍കിയ പരാതിയിലാണ് നടപടി. സംഭവത്തില്‍ ഡിസിസി ജനറല്‍ സെക്രട്ടറി കൂടിയായ സുരേഷിനെതിരെ കെപിസിസി നടപടിയെടുത്തിരുന്നു. കോഴിക്കോട് എ.ഗ്രൂപ്പിന്റെ രഹസ്യയോഗം റിപ്പോര്‍ട്ട് ചെയ്യാനെത്തിയ മാധ്യമപ്രവര്‍ത്തകര്‍ക്കാണ് കോണ്‍ഗ്രസ് പ്രവര്‍ത്തകരുെട മര്‍ദനമേറ്റത് . മുന്‍.ഡി.സി.സി പ്രസിഡന്റ് യു രാജീവന്റെ നേതൃത്വത്തിലായിരുന്നു യോഗം. വിഷയത്തില്‍ ഡി.സി.സി ഡി.സി.സി പ്രസിഡന്റ് കെ.പ്രവീണ്‍കുമാര്‍ മാധ്യമങ്ങളോട് ക്ഷമ ചോദിച്ചിരുന്നു. രണ്ടംഗ അന്വേഷണ സമിതിയെയും നിയോഗിച്ചിരുന്നു.കുറ്റക്കാര്‍ക്കുനേരെ കടുത്ത നടപടി ഉണ്ടാകുമെന്ന് പ്രതിപക്ഷനേതാവ് വി.ഡി.സതീശന്‍ പറഞ്ഞിരുന്നു. മാധ്യമപ്രവര്‍ത്തകരെ കയ്യേറ്റം ചെയ്തിട്ടില്ലെന്നാണ് യോഗത്തിന് നേതൃത്വം നല്‍കിയ യു.രാജീവന്റെ വിശദീകരണം നല്‍കിയത്.