നവവരനെ തട്ടിക്കൊണ്ടുപോയി മര്‍ദിച്ച സംഭവം; ഭാര്യ പൊലീസില്‍ പരാതി നല്‍കി

മലപ്പുറം കോട്ടക്കലില്‍ നവവരനെ തട്ടികൊണ്ടുപോയി മര്‍ദിച്ച സംഭവത്തില്‍ ഭാര്യ പൊലീസില്‍ പരാതി നല്‍കി. ഭര്‍ത്താവ് സ്ഥിരമായി മര്‍ദിക്കാറുണ്ടെന്നും പലതവണ പ്രകൃതി വിരുദ്ധ പീഡനത്തിന് ഇരയാക്കിയെന്നുമാണ് മലപ്പുറം എസ് പിക്ക് നല്‍കിയ പരാതിയില്‍ ആരോപിക്കുന്നത്. സ്ത്രീധനം ആവശ്യപ്പെട്ട് ഭര്‍ത്താവും സഹോദരിയും മാതാപിതാക്കളും ഉപദ്രവിച്ചുവെന്നും പരാതിയില്‍ ചൂണ്ടിക്കാട്ടുന്നു. നവവരന്‍ അസീബിനെ ഭാര്യയുടെ ബന്ധുക്കള്‍ തട്ടികൊണ്ട് പോയി മര്‍ദിച്ചെന്ന പരാതിയില്‍ ആറുപേരെ പൊലീസ് അറസ്റ്റ് ചെയ്തിരുന്നു. വിവാഹ മോചനത്തിന് വഴങ്ങാത്തതിനെ തുടര്‍ന്നായിരുന്നു മര്‍ദനം.അസീബിനെ തട്ടികൊണ്ട് പോയി മര്‍ദിച്ചതായി ബന്ധുക്കളാണ് പരാതി നല്‍കിയത്.ഒതുക്കുങ്ങലിലെ ഭാര്യ വീട്ടിലെത്തിച്ച അസീബിനോട് വിവാഹമോചനത്തിനായി മുത്തലാഖ് ചൊല്ലണമെന്ന് ഭാര്യയുടെ ബന്ധുക്കള്‍ ആവശ്യപെടുകയിരുന്നു. വഴങ്ങാത്തതിനെ തുടര്‍ന്ന് ജനനേന്ദ്രിയത്തിലടക്കം ഗുരുതരമായി മര്‍ദിച്ച് പരിക്കേല്‍പ്പിക്കുകയായിരുന്നു. ഒന്നര മാസം മുമ്പാണ് അബ്ദുള്‍ അസീസ് വിവാഹിതനായത്. ഭാര്യയുമായി ചെറിയ അഭിപ്രായ വ്യത്യാസമുണ്ടായിരുന്നുവെന്ന് അസീബ് വ്യക്തമാക്കിയിരുന്നു.