റാഗിങ്: വിദ്യാര്‍ഥി ഹോസ്റ്റലില്‍ തൂങ്ങിമരിച്ചു; മനം നൊന്തെന്ന് സഹപാഠികള്‍

മണ്ണുത്തി കാര്‍ഷിക സര്‍വകലാശാലയിലെ വിദ്യാര്‍ഥിയെ ഹോസ്റ്റലില്‍ തൂങ്ങിമരിച്ചനിലയില്‍ കണ്ടെത്തി. പാലക്കാട് കൊഴിഞ്ഞാമ്പാറ സ്വദേശി മഹേഷാണു മരിച്ചത്. റാഗിങ്ങില്‍ മനംനൊന്താണ് ആത്മഹത്യ ചെയ്‌തെന്നാണു സഹപാഠികളുടെ പരാതി. വര്‍ഷങ്ങള്‍ക്കു മുന്‍പ് ക്യാംപസില്‍ പഠിച്ചുപോയ കെഎസ്യുവിന്റെ നേതാക്കള്‍ ക്യാംപസില്‍ തിരിച്ചെത്തി റാഗിങ്ങിന് നേതൃത്വം നല്‍കുന്നതായി എസ്എഫ്‌ഐ ആരോപിച്ചു. മഹേഷ് അവസാനമായി ചിലര്‍ക്ക് അയച്ച സന്ദേശങ്ങള്‍ മണ്ണുത്തി പൊലീസ് കണ്ടെടുത്തിട്ടുണ്ട്. ആ സന്ദേശങ്ങള്‍ പ്രകാരം റാഗിങ്ങുമായി ബന്ധപ്പെട്ടല്ല പൊലീസ് കേസെടുത്തിരിക്കുന്നത്. മഹേഷിന്റെ വീട്ടുകാരും നിലവില്‍ റാഗിങ്ങുമായി ബന്ധപ്പെട്ടു പരാതി നല്‍കിയിട്ടില്ല. എന്നാല്‍ പൊലീസ് എല്ലാവശങ്ങളും അന്വേഷിക്കുന്നുണ്ട്